宜蘭縣立文化中心

宜蘭縣立文化中心係喺宜蘭市復興路二段101號，1984年開業，喺文教特區度，入面有好多文物同書畫可以俾民眾睇。

沿革

2023年7月，宜蘭縣立文化中心暫時關閉進行耐震補強工程，預計2025年完工。對於完工後用途，坊間都有一啲討論。

時代力量宜蘭黨部執行長郭稟翰就話，文化中心嘅建築空間已經唔能夠滿足現今嘅文化需求，展覽空間少、設施舊，而且冇場地可以舉行演出，停車位亦唔夠。佢建議縣政府利用呢個機會，將文化中心改建成宜蘭縣嘅青年基地。郭稟翰話，文化中心附近有好多學校，平日都有唔少青年學生聚集，如果可以改建成青年基地，就可以提供學生社團練習同埋多媒體直播、錄音、錄影等多種功能，更加貼合需求。