宣和博古錄
《宣和博古錄》，或者叫《宣和博古圖》、《宣和博古圖錄》或者《博古圖》係喺公元1107年（宋徽宗大觀元年），宋徽宗下令王黼編寫既金石學（又叫銘刻學，英文：Epigraphy）書，全書有三十卷。呢套書去到公元1123年先至寫好，佢記錄咗宋朝皇室喺宣和殿收藏既從商朝去到唐朝既839件青銅器既資料。
內容
[編輯]《宣和博古錄》記錄既都係宋朝皇室收藏既青銅器既精華。內容分成鼎、尊、罍、彝、舟、卣、瓶、壺、爵、觶、敦、簋、簠、鬲、鍑及盤、匜、鍾、磬、錞於、雜器、鏡、鑑，總共有二十類，每類既器物都按照年代編排，件件都係宋朝可以收集、收藏既青銅器精品，包括一啲出名既重器。每類器物都有簡介，每件器物亦都有摹繪出嚟既圖、銘文既拓本同埋釋文，亦都記錄咗器物既尺寸、重量同埋容量。有啲仲講埋出土地點、顏色同埋收藏家既姓名。套書對器名、銘文亦都有詳盡既説明同埋考證。
版本
[編輯]《宣和博古錄》有幾個流傳既版本，例如公元1528年（明朝嘉靖七年）蔣暘翻刻既元至大重修本，公元1752年（清朝乾隆十七年）黃晟既《亦政堂重修宣和博古圖》等。