宣和書譜

《宣和書譜》係公元1120年（北宋宣和二年）年中，由宋徽宗叫佢既內臣編纂既歷代書法作品評匯編，全書總共有二十卷，收錄咗宋徽宗宣和時期，御府內收藏既名家書法墨寶、真跡。

根據《四庫全書總目提要》子部八所既記載：「記宋徽宗時內府所藏諸帖，蓋與《畫譜》同時作也。首列帝王諸書為一卷，次列篆隸為一卷，次列正書四卷，次列行書六卷，次列草書七卷，末列分書一卷，而制誥附焉。」收錄咗從漢朝至宋朝既一百九十七位名家既一千三百四十幾幅作品。每種書體前面都寫明作品既源流、脈絡，作者生平簡介同埋遺聞軼事；呢啲細節，敘述詳盡，體例完整，內容精細，對後人書法美術研究，供應好多有用既史料，同埋有極高既價值。

宣和書譜無明確咁去記載係邊個人編撰既，估計編撰既人有二種講法：第一，話係宋蔡京、蔡卞等人；另一個講法就係元吳文貴。但係套書裏面大讚王安石、蔡京呢啲人，所以最合理既估計係套書應該係徽宗新黨當政期間寫既。

宣和書譜喺宋朝並未出版，喺元朝初期，江南既民間有抄本流傳。公元1303年（元朝大德六年）延陵吳文貴根據眾多版本匯編同埋佢既老友校對之後出版咗。明嘉靖楊升庵亦都有新版本、《津逮秘書》本、《學津討原》本、《四庫全書》本等。