審死官 (大戲)

出自維基百科,自由嘅百科全書

審死官係齣大戲,改自京劇四進士》,而佢又來自鼓詞紫金鐲》。審死官作者不詳,劇主要係講官員墮落,最後自食其果。原劇主角原係巡府毛朋,後尾就變成宋世傑(四進士叫宋士傑)。呢齣戲係馬師曾早年嘅首本戲

齣戲背景響大明嘉靖年間,講新科進士毛朋顧讀田倫劉題四人響雙塔寺焚香結盟起誓,一定要做清官。如有違誓,就睏住棺材返鄉下。之後大家各自做官。時間耐咗,大家乜都唔記晒當年誓言,只係毛朋重跟住誓約做官。

田氏爭產,累河南上蔡楊素貞老公姚廷美被殺。楊素貞親大佬楊青,竟然響柳林賣佢畀路人楊春做老婆。不過楊春正直,知佢有冤情,就同佢結拜做兄妹,重為佢申冤。佢哋響柳林咁啱遇到微服出巡嘅河南八府巡案毛朋,毛朋重幫佢寫狀紙。後尾佢哋林遇到賊,畀賊追到西門。西門度宋世傑幫佢趕走班賊。原來宋世傑以前係刑房書吏,仗義善辭,因為得罪上司而革𠳏,響西門開客棧為生。宋世傑見佢咁可憐,就同佢老婆萬氏收佢做契女,重代佢狀告信陽知州顧讀

參攷[編輯]