寶華商業銀行

寶華商業銀行係臺灣一間已經結業嘅銀行，喺經歷財政困難後被新加坡星展銀行收購，成為星展銀行喺台灣嘅分公司。喺呢次收購之前，星展銀行喺台灣只有一個據點，收購後喺台灣規模大增。

歷史

寶華銀行前身係台中長億集團喺1990成立嘅泛亞銀行，喺1997年，佢收購咗高雄市第十信用合作社。去到1998年耐斯集團陳哲芳以每股八蚊嘅價格收購泛亞銀行，喺2004年又同美國通用資融集團GMAC策略結盟，引進美國通用新台幣15億元資金，並由「泛亞銀行」更名做「寶華銀行」，但之後資產品質持續下滑，2007年8月10號被金管會接管，2008年2月被星展銀行收購。