導熱率

示意

導熱率，量度一種，係數一種，量物料可以導熱幾多幾快。亦即熱一邊經物料，流向凍一邊個效率。高會傳得快，低就傳得慢。數式上有寫λ、κ或者 k。國際單位每開每米幾多瓦，並無特別單位符號，可以寫做W·m⁻¹·K⁻¹，或W/m K。其他叫法有熱導率、導熱係數、熱傳導率、熱傳導度、熱傳導係數咁。

天然物料好似石墨同鑽石，室溫之下，導熱率高，度數上千。高過銀、銅、黃金幾倍，度數幾百。人工物料好似納米碳管、石墨烯，就有幾千。空氣導熱率就好低，度數百分之二。發泡膠就高少少，百分之三。水就十分之六，石屎十分之九。

率高方便傳熱，率低就方便隔熱。導熱率受好幾種因數影響，溫度變化、雜質、晶體結構、晶粒大細，都會改變導熱率。

熱通量$\mathbf {q}$、熱導率$k$、溫度梯度$\nabla T$，有公式關係，$\mathbf {q} =-k\nabla T$，即傅立葉定律。呢度有用到矢量。簡單定義唔睇時間，祇有純量，可以由以下公式得出。

$q=-k\cdot {\frac {T_{2}-T_{1}}{L}}$

呢度$T_{1}$溫度低啲嗰邊，$T_{2}$就溫度高嗰邊，即$T_{2}>T_{1}$，$T_{2}-T_{1}$必定大過〇。$L$就兩邊距離。就好似冬天牆兩邊，出面好凍，屋裏面暖好多，熱傳出去咁。屋內嗰面，就$T_{2}$嗰面。屋外就$T_{1}$嗰邊。熱力學第二定律，高溫嗰邊必然流向低溫嗰邊。 $k$ 定義上必定正數。行向$x$為負數，$q$ 必會負數。