小婦人

《小婦人》係喺1957年嘅一部粵語片，由吳回執導，張瑛、夏萍主演。

情節

沈醫生有四個女，叫做夢蓮、夢湘、夢影同夢琴。夢湘搵同學郝志強幫助馮大嬸喺工廠工作，因此識咗經理尚官武。官武嘅阿爺欣賞夢湘為人老實，於是故邀請沈家四姐妹參加舞會，官武同夢湘好投契。

夢琴染上腦膜炎，好彩得到志強冒住雨去攞藥，先至渡過危關。

夢湘將同官武結婚嘅事話阿母知，先知道生性害羞嘅姐姐夢蓮都好鍾意官武。夢湘為咗成全夢蓮，於是假扮同志強相戀，令官武好㷫，決改同夢蓮結婚。

之後，夢影嫁俾官武嘅朋友馬千里；夢琴因病去世；夢湘繼續寫作出書，最後同志強成為真正嘅戀人。