小肥羊餐飲連鎖有限公司（簡稱小肥羊，港交所前編號：0968）係中國最大嘅涮羊肉連鎖店企業，1999年由張鋼同埋陳洪凱喺內蒙古創辦。2008年6月喺香港招股上市，係中國首間喺香港上市嘅品牌餐飲企業。2012年2月，百勝餐飲集團以協議計劃方式私有化小肥羊，小肥羊喺2月2號起正式喺香港交易所除牌，並成為百勝餐飲集團旗下一個新嘅餐飲品牌。
小肥羊海外門店由創辦人張鋼經營，叫「快樂小羊」，而香港曾經同時有「小肥羊」同「快樂小羊」兩個品牌，不過後者已經執晒。
