層壓式推銷

出自維基百科,自由嘅百科全書
Jump to navigation Jump to search
層壓式推銷例

層壓式推銷係種唔可以持續經營(unsustainable)嘅銷售模式,又叫做金字塔式騙局(英文:Pyramid scheme),喺台灣別稱「老鼠」,好多國都將佢列做非法。

運作模式多數係參與者、經營者靠介紹新會員加入賺,呢啲佣金嚟自新會員嘅入會費,一層壓一層,如此類推,形如金字塔,越早加入賺得越多,越遲加入就越難賺錢。

而佢哋嘅組織、團隊或者公司通常會提供啲冇「足夠市場、商業價值」嘅產品或者服務,或者以遠高於市價嘅價位嚟賣佢哋所謂嘅「產品」。呢種商業模式手法至少已經有成百年嘅歷史,而成熟嘅案例就喺20世紀初嘅美國出現,例如喺1919年發生嘅龐氏騙局。喺台灣又叫做「老鼠會」,係因為佢哋通常都好似鼠類繁殖速度咁快。