崑曲

出自維基百科,自由嘅百科全書
崑曲

崑曲,又叫崑劇,係中國一種戲曲,起源自元末明初嘅蘇州崑山,並喺蘇州、上海無錫一帶廣泛流傳到依家。

崑劇係中國最古老嘅劇種,所以又叫做「百戲之祖」。崑劇係用崑曲呢種唱腔去演出傳奇雜劇嘅舞台表演,就好似粵劇同埋粵曲嘅關係一樣。同粵劇、粵曲一樣,崑劇同埋崑曲呢兩個詞語有時會互用,例如講崑曲嘅時候,有時其實係講緊崑劇。 崑劇基本上屬於南戲系統,所以佢用返好多南戲嘅角色行當、體制,佢同時亦都融合咗北雜劇嘅特點,以生、旦、淨、末、醜、外、貼呢七種基礎角色去演繹[1]。 而崑劇唱嘅崑曲係中國最古老嘅戲曲聲腔,喺元未明初喺江蘇崑山一帶流行嘅唱腔,叫做「崑山腔」,佢係「崑山腔」吸收咗其他聲腔(尤其係北曲)嘅優點,改造同埋發展出嚟。

參考[編輯]