嵐山

  想搵第二個意思嘅話，請睇嵐山 (搞清楚)。

嵐山渡月橋與紅葉

天龍寺境內嘅早櫻

位喺渡月橋北側大街上嘅美空雲雀紀念館

著名嘅嵐山竹林

嵐山（日文：嵐山）係日本京都府京都市嘅一個觀光地，以賞楓葉（秋季）同櫻花（春季）而知名。「嵐山」呢個地名原本係專指位於桂川右岸、屬於京都市西京區一部分嘅嵐山地區，而河對岸、屬於右京區嘅地區則名為嵯峨野，但近年好多觀光導覽資料都概括性地，將以橫跨桂川嘅渡月橋為中心之河左右兩岸周邊地區，合稱為嵐山。

竹林遭刻字破壞

2018年5月5號，京都嵐山人力車店「えびす屋嵐山」於Facebook貼上數張相，都係被遊客刻上字嘅竹樹。日本網民感到十分痛心，えびす屋嵐山亦喺Facebook發文，呼籲大家要努力保護環境。