工業以太網
工業以太網係指喺工業環境嘅自動化控制同程序控制入便應用以太網嘅相關元件同技術。工業以太網會用TCP/IP協定，同IEEE 802.3標準一樣，但係喺應用層會加啲各自特有嘅協定[1]。
以太網喺工業程序嘅應用要有實時嘅特性，好多以太網嘅相關技術可以令到以太網喺工業應用入便啱用。就係因為利用標準嘅以太網，提昇咗工廠入面由唔同供應商設備嘅互連性，以太網嘅市場好大，同佢有關嘅元件嘅成本都好低、容易攞到，所以工業以太網嘅成本亦可以跌，而性能亦都可以跟住以太網技術嘅進步而提昇。
因為工業以太網應用喺工業環境之下，佢對振動、溫度、濕度同電磁干擾嘅適應要求都可能比一般嘅IT產業設備工作條件更加嚴。
優點同缺點
[編輯]以往PLC會用開放式或者專有嘅通訊協定同從站通訊，呢類嘅通訊協定包括Modbus、Sinec H1、Profibus、CANopen、DeviceNet同埋FOUNDATION Fieldbus。不過越嚟越多嘅用戶開始改用以太網做佢嘅數據鏈路層嘅通訊協定，而應用層繼續用上便講過嘅通訊協定， 同RS-232或RS-485比，工業以太網有以下嘅優點：
- 提高咗傳輸速率，RS-232嘅速率係9.6 kbit/秒，如果係吉比特以太網，用CAT-5e、CAT-6嘅網路線或者光纖做傳輸介質，傳輸速率可以到1Gbit/秒。
- 傳輸距離可以長啲。
- 可以用標準嘅無線接取器、路由器、網路交換器、集線器、網線同光纖。
- 除咗傳統嘅主站－從站架構（master-slave），亦都可以用點對點技術。
- 好啲嘅互操控性。
工業以太網缺點：
- 要將即有嘅系統轉做另一個新嘅通訊協定。
- 及時控制用像TCP協議嗰陣，好唔方便（有啲應用因為咁用UDP或者其他數據鏈路層嘅協定）
- 處理TCP/IP封包會比處理串列資料更加複雜。
- 最細嘅以太網幀嘅大小係64個位元組，但係一般工業通訊嘅資料淨係得1-8個位元組，協定開銷會影響資料傳輸嘅速率。
通訊協定
[編輯]雖然工業以太網令到工業通訊嗰陣有標準嘅硬體介面，但係喺通訊協定上面重有好多唔相容嘅通訊協定，佢嘅資料封晒喺以太網嘅資料幀，因為咁像路由器或者網路交換器唔會因為呢啲唔相容嘅協定而有影響。但係主機同從站要用相同嘅通訊協定先可以通訊。
有啲標準，好似Modbus，已經由佢嘅原始版本衍生出可以喺工業以太網上面行嘅版本。而Profibus亦都發展做同佢相容嘅以太網嘅協定PROFINET。其他嘅協定，好似EtherNet/IP，淨係開發以太網傳輸層嘅部份。工業以太網嘅協定可以裝喺TCP嘅資料幀入面，令到處理上更加標準化，但係喺主機同從機上都要同TCP相容嘅通訊協定棧。