左輪手槍

出自維基百科,自由嘅百科全書
Jump to navigation Jump to search
一把左輪手槍

左輪手槍(英文:Revolver),或者叫轉輪手槍,係手槍(英文:Handgun)其中一類,指有多個膛室嘅手槍,槍側跟有一個轉輪結構去放呢啲膛室,因為要就返多數人右手開槍嘅習慣,轉輪多數向左邊打開,所以叫「左輪手槍」。傳統上,轉輪手槍發射有凸緣子彈 (rimmed cartridge),但亦有部分轉輪手槍可以發射無凸緣子彈 (rimless cartridge)。

側開式、中析式、及固定式[編輯]

轉輪手槍可以依據結構,可以分為側開式 (swing-out)中折式 (top-break/ tip-up)、同固定式 (fixed)

側開式係指當需要裝填子彈同退出彈殼嘅時候,彈膛所在嘅輪巢 (cylinder) 可以向槍身左側或者右側打開。

中折式係指槍身分成兩個部分,由一個骹連接;裝彈退彈嘅時候,輪巢可以跟隨其中一部分槍身向上 (top-break) 或者向下 (tip-up) 打開。

固定式轉輪手槍係指輪巢唔可能好似側開式或者中折式咁隨便打開,裝填子彈嘅時候從槍身側邊嘅裝彈口退彈同裝彈。

單動式及雙動式[編輯]

轉輪手槍亦可以依據擊發系統分為單動式雙動式

單動式係指射手每次發射前必須將擊鎚 (hammer)拉後,發射時拉扳機 (trigger)、釋放擊鎚、擊發子彈。

雙動式指射手無需事先將擊鎚拉後,拉扳機時會帶動擊鎚退後以及擊發子彈。

睇埋[編輯]