巴列維王朝

出自維基百科,自由嘅百科全書
Jump to navigation Jump to search
伊朗帝國旗

巴列維王朝,又叫巴勒維王朝,國號伊朗帝國,係伊朗1925年1979年嘅王朝,由禮薩汗立國,到1979年爆發伊朗革命而畀高美尼推翻。

愷加王朝因為英國蘇聯勢力入侵波斯而變得衰弱,巴列維家族順勢取代咗愷加王朝嘅末代皇帝艾哈邁德沙·愷加,艾哈邁德沙·愷加退位,移居法國伊朗伊斯蘭會議喺1925年12月12號召開制憲議會,宣佈禮薩汗做咗波斯帝國統治者。

1935年,禮薩汗通知外國使節,將波斯國家名稱改叫做伊朗,伊朗係波斯嘅古稱。

1941年9月16號,由於英國蘇聯入侵伊朗,禮薩汗被迫退位,佢嘅大仔穆罕默德-禮薩·巴列維就喺第二日登基,是為巴列維國王。

1963年,穆罕默德-禮薩·巴列維推行白色革命,希望將伊朗升呢做「世界第五強國」,包括咗土地改革、婦女獲得投票權、消除文盲。主要嘅基建計劃亦都陸續實施,中產階層湧現,令到伊朗喺二十年內成為咗中東一股不可忽視嘅經濟同埋軍事勢力,雖然白色革命為伊朗經濟同埋技術上嘅發展作出咗貢獻,但係一啲土地改革計劃嘅失敗,民主改革嘅缺失同埋嚟自地主、教會嘅強烈反對,最終導致1979年令國王落台嘅伊朗革命