巴士迷
 |
 |
巴士迷 (英文：Bus spotter)，負面批評叫巴膠或者巴敗，係指一班對巴士有興趣嘅人。佢哋除咗鍾意搜集同巴士相關物品，例如巴士模型，亦可能會熟讀巴士路線嘅資料。不過，有部分巴士迷為咗以一個較好嘅角度去影巴士，例如影佢哋嘅「愛車」、「全廣特巴士」、「跨廠特巴士」等，而走出馬路去影巴士，影響其他駕駛者視線。一少部分巴士迷為咗投入對巴士嘅興趣而喺巴士上面扮揸緊巴士同發出巴士嘅機器聲、其他非法行為（例如偷車、集體毆鬥、違反交通規則、破壞公物等）同埋其他滋擾大眾嘅行為令到巴士迷喺香港普遍形象唔好。
興趣
[編輯]車輛研究
[編輯]巴士車輛調查
[編輯]主要係各大型巴士公司擁有嘅巴士車輛數目、車輛類別同所屬嘅製造商、巴士公司所採用嘅技術、巴士車牌等資訊研究。
搭巴士
[編輯]作為巴士乘客喺巴士上面錄影行車片段，又聆聽各種巴士引擎發出嘅聲音，評估巴士性能同車長揸車技術。
巴士攝影
[編輯]巴士保存
[編輯]一啲巴士公司，將部分營運壽命達到一定時間程度嘅巴士，作廢舊巴士出售。某啲巴士迷對呢啲巴士懷舊，唔忍心將佢哋運去廢車場解體，所以就買啲殘舊巴士，之後翻新同唔定期行駛，作為對巴士迷一種集體回憶。呢啲翻新嘅殘舊巴士，喺規管上面嚴格好多：包括唔可營運載客，同時要檢查廢氣排放率有無超越當地環保法規等。
路線研究
[編輯]某啲巴士迷會研究巴士路線，分析各條巴士路線對地區乘客嘅利弊、巴士路線對各款巴士型號營運嘅影響等。
路線建議
[編輯]一啲巴士迷對現有嘅巴士路線有不滿之處，就提出路線建議，例如定線、班次、車費等安排，引起其他巴士迷討論。
巴士相關物品收集
[編輯]巴士貨品收集
[編輯]主要係收集巴士路線介紹單張、巴士相關貨品等。一啲喺廢車場拆卸嘅巴士零件，亦成為巴士迷買入嘅對象。而巴士公司亦會將部分廢舊巴士零件，以拍賣形式發售。
車入面聲音、路線牌收集
[編輯]有啲巴士迷會用錄音器材，收錄巴士報站機嘅聲音、巴士引擎聲等研究。有啲就攝影各類型巴士塑膠製、電子顯示等路線牌，用嚟收集同研究。
仿制巴士相關物品
[編輯]有啲巴士迷利用各種電腦軟件自行制作、合成高仿原版嘅巴士站牌、路線牌、報站器[1]等有形或者無形巴士相關物品[2]甚至用於惡搞諷刺[3]。
模型
[編輯]巴士模型
[編輯]一啲品牌模型製作公司，推出唔同種類嘅縮小比例巴士模型，包括經典至現代類型嘅巴士模型（由巴士公司授權），畀用家收藏。亦有巴士迷自行製作巴士模型。
模擬遊戲
[編輯]一啲巴士迷為咗一嘗揸巴士嘅滋味，會喺Microsoft公司嘅電腦遊戲產品Midtown Madness 2（簡稱MM2）入面加入各種城市同車輛模組以及附加檔案，令佢成為一個模擬揸巴士嘅遊戲。
網絡社群
[編輯]巴士迷討論區
[編輯]巴士迷成日登入各個大型巴士迷討論區，發表同巴士有關嘅資訊，包括巴士相同影音、巴士車種、路線討論同車務狀況，亦會講有關巴士嘅軼事等。
睇埋
[編輯]參考
[編輯]- ↑ http://club.metrofans.sh.cn/forum.php?mod=viewthread&tid=150570[失咗效嘅鏈]
- ↑ 〈高三考试分数，仿公交车路牌-上海轨道交通俱乐部 -〉。shanghai.metrofans.cn。原著喺2020-10-24歸檔。喺2021-05-16搵到。
- ↑ 〈对于某些局的思路，我不得不说…………-上海轨道交通俱乐部 -〉。shanghai.metrofans.cn。原著喺2020-10-24歸檔。喺2021-05-16搵到。