市川海老藏

市川海老蔵（日文：いちかわ えびぞう），係日本其中一個歌舞伎名跡，屋號係成田屋；定紋係三升；替紋係杏葉牡丹；而役者文樣就係壽海老。依家用緊呢個名嘅人係市川海老藏 (第十一代)。

歷史

「市川海老藏」呢個名原先係「市川團十郎」嘅成年名，但係後嚟「市川團十郎」呢個名嘅名氣仲大過市川海老藏，所以繼承順序就改為海老蔵 → 團十郎。依家用緊呢個名嘅人係市川海老藏 (第十一代)，當佢老豆市川團十郎 (第十二代)死咗之後，市川海老藏 (第十一代)就會襲名，改名叫市川團十郎 (第十三代)；到時佢個仔勤玄就會繼承「市川海老藏」呢個名，換言之佢會改名叫市川海老藏 (第十二代)。

歷代市川海老藏

註：黑色字係啲人對佢嘅稱呼

• 初代：市川海老藏 (第一代)
  • 堀越重蔵個仔。用過嘅名嘅先後次序係：初代市川海老蔵 →市川段十郎 →初代市川團十郎。
• 二代：市川海老藏 (第二代)
  • 市川海老藏 (第一代)嘅大仔。用過嘅名嘅先後次序係：初代市川九蔵 →二代市川團十郎 →二代市川海老藏。
• 三代：市川海老藏 (第三代)
  • 有人話佢係和泉屋勘十郎個仔，另外一種講法話佢係市川海老藏 (第二代)個細仔。用過嘅名嘅先後次序係：初代松本七蔵 → 二代松本幸四郎 → 四代市川團十郎 → 二代松本幸四郎（用返個名）→ 三代市川海老蔵
• 市川蝦藏
  • 市川海老藏 (第三代)個仔。本身佢係繼承咗「市川海老藏」呢個名，但係佢最後決定放棄繼承，改名叫「蝦藏」，所以後人都唔將佢納入為市川海老藏 (第四代)。用過嘅名嘅先後次序係：松本幸蔵 → 三代松本幸四郎 → 五代市川團十郎 → 市川蝦蔵 → 成田屋七左衛門 → 初代市川白猿
• 四代：市川海老藏 (第四代)
  • 市川蝦藏庶大仔。用過嘅名嘅先後次序係：四代市川海老蔵 → 六代市川團十郎
• 五代：市川海老藏 (第五代)
  • 第四代市川海老藏大仔，因為老豆早死而過繼畀爺爺市川蝦藏。用過嘅名嘅先後次序係：初代市川新之助 → 市川ゑび蔵 → 七代市川團十郎 → 五代市川海老蔵 → 成田屋七左衛門 → 幡谷重蔵 → 二代市川白猿
• 六代：市川海老藏 (第六代)
  • 第五代市川海老藏大仔。用過嘅名嘅先後次序係：二代市川新之助 → 六代市川海老蔵 → 八代市川團十郎（藝名：三代市川白猿）
• 七代：市川海老藏 (第七代)
  • 第六代市川海老藏三仔。用過嘅名嘅先後次序係：三代市川新之助 → 七代市川高麗蔵 → 初代市川新升 → 市川白猿 → 七代市川海老蔵（藝名：四代市川白猿）
• 八代：市川海老藏 (第八代)
  • 第七代市川海老藏七仔。用過嘅名嘅先後次序係：四代市川新之助 → 市川壽蔵 → 二代市川猿蔵 → 八代市川海老蔵
• 九代：市川海老藏 (第九代)
  • 七代松本幸四郎大仔，之後過繼畀五代市川三升，最後又過繼到市川海老藏 (第八代)。因為反串做女性角色而出名。用過嘅名嘅先後次序係：九代市川高麗蔵 → 九代市川海老蔵 → 十一代市川團十郎
• 十代：市川海老藏 (第十代)
  • 第九代市川海老藏大仔。用過嘅名嘅先後次序係：市川夏雄 → 六代市川新之助 → 十代市川海老蔵 → 十二代市川團十郎
• 十一代（現任）：市川海老藏 (第十一代)
  • 第十代市川海老藏大仔。用過嘅名嘅先後次序係：九代市川新之助 → 十一代市川海老蔵