市川雷藏

市川雷藏（日文：いちかわ らいぞう），係日本一個曾經存在嘅歌舞伎名跡。定紋係三升入面嘅「雷」，而替紋係棘牡丹。

歷史

其實市川雷藏除咗第八代之外，其他都唔係太為人所知。後嚟第八代早死，佢老婆同三個仔女都好低調，三個仔女更係冇個入娛樂圈，所以「市川雷藏」呢個名就冇人繼承。

市川雷藏實際上有九代，不過其中一個有關佢嘅資料實在係太少，確認唔到係咪真係有呢個人，所以就剔除咗佢。

屋號呢方面，市川雷藏有一個比較唔尋常嘅情況，就係先前嘅一樣，第五代之後就代代都唔同。第一代至第四代、同第六代係柏屋、第五代係櫻屋、第八代係升田屋，而第七代直頭唔知。

歷代市川雷藏

• 第一代：市川雷藏 (初代)
  • 市川團十郎 (第二代)嘅其中一個門人，主要係反串扮女人。1742年響江戶正式立役，加入市川海老藏 (第二代)嘅門下。用過嘅名有：嵐玉柏 → 初代市川升蔵 → 初代市川雷蔵
• 第二代：市川雷藏 (第二代)
  • 市川雷藏 (初代)個仔，不過早死。用過嘅名有：市川雛蔵 → 第二代市川雷蔵 (代)
• 第三代：市川雷藏 (第三代)
  • 市川團十郎 (第五代)嘅門人之一。用過嘅名有：第二代市川升蔵 → 第三代市川雷蔵
• 第四代：市川雷藏 (第四代)
  • 市川團十郎 (第五代)嘅門人之一，後嚟轉到中山久吉門下。用過嘅名有：中山金蔵 → 初代榊山金蔵 → 榊山四郎三郎 → 中山楯蔵 → 第四代市川雷蔵 → 第二代市川男女蔵（小谷屋）
• 第五代：市川雷藏 (第五代)
  • 市川團十郎 (第七代)嘅門人之一。用過嘅名有：第三代市川團子 → 第五代市川雷蔵 → 四代目市川壽美蔵 → 第五代市川雷蔵 → 市川團五郎 → 市川海蔵 → 市川海猿 → 初代市川猿三郎 → 市川雛助
• （市川雷藏）
  • 族譜上面淨係講過佢係響1878年（明治九年）繼承「市川雷藏」呢個名，但係個人基本資料並唔清楚，所以唔納入做市川雷藏。
• 第六代：市川雷藏 (第六代)
  • 市川團十郎 (第九代)嘅門人之一，廿五歲死咗。用過嘅名有：市川九 → 第六代市川雷蔵 → 鈴木吉蔵 → 第六代市川雷蔵
• 第七代：市川雷藏 (第七代)
  • 市川團十郎 (第九代)嘅門人之一，係大正中期日本舞踊藤間流嘅其中一個老師。用過嘅名有：市川英太郎 → 第七代市川雷蔵
• 第八代：市川雷藏 (第八代)
  • 出世名亀崎章雄，之後做咗市川壽海 (第三代)嘅契仔，後嚟又過繼畀老豆嘅義兄市川九團次 (第三代)。響1969年死咗，終年37歲，之後就冇再傳出由邊個繼承「市川雷藏」呢個名。用過嘅名有：第二代市川莚蔵 → 第八代市川雷蔵