希望聯盟

Coalition of Hope Pakatan Harapan 希望聯盟 பாக்காத்தான் ஹரப்பான்
{{{徽}}}
成立	2015年9月22號
存在時間	{{{存在時間}}}
總部	馬來西亞八打靈再也（人民公正黨） 馬來西亞吉隆坡（民主行動黨 同 國家誠信黨）
理念	社會自由主義、 社會民主主義、 社會正義
色	橙色同白色
網

希望聯盟（馬來話：Pakatan Harapan，馬來話同英文簡稱PH）係一個馬來西亞嘅政黨聯盟，由民主行動黨，人民公正黨同國家誠信黨組成。前身係民主行動黨，人民公正黨同伊斯蘭黨喺2008年4月1號組成嘅人民聯盟，由於伊斯蘭刑法爭議，成員三黨之一嘅伊斯蘭黨喺2015年6月15號決定同民主行動黨斷交。6月16號，民主行動黨秘書長林冠英宣佈民聯唔再存在。17號，公正黨承認民聯瓦解。9月22號，希望聯盟成員黨宣佈成立希望聯盟，唔反對國陣成員黨加入，內定如果喺第14屆大選勝出，就由公正黨顧問拿督斯里安華為首相人選。

2016年11月12號，出山反對納吉嘅前首相馬哈迪，佢組織嘅政黨土著團結黨話會同反對黨合組聯盟。到2017年3月14號，土團黨正式加入希望聯盟。

喺2018年馬來西亞大選當中，除咗聯盟入面嘅四個黨，沙巴民族復興黨亦都同希望聯盟合作，喺納吉嘅一馬公司貪污醜聞之下，希望聯盟成功推翻由馬來西亞立國以嚟50幾年嘅巫統政權。但係由於安華喺選舉嗰陣重坐緊監，唔可以參加選舉，首相人選就由馬哈迪做，馬哈迪預定會做一兩年首相，之後就將個位交畀安華。但喺2020年，土團黨發動自我政變，同一眾反對黨合組「國民聯盟」，推翻希盟政權，結果希盟被迫下野。

成員黨

• 人民公正黨（馬來話：Parti Keadilan Rakyat，英文：People's Justice Party，簡稱公正黨同PKR）
• 民主行動黨（馬來話：Parti Tindakan Demokratik，英文：Democratic Action Party，簡稱行動黨、民行黨同DAP）
• 國家誠信黨（馬來話：Parti Amanah Negara，英文：National Trust Party，簡稱PAN、AMANAH）

前成員

• 土著團結黨（馬來話：Parti Pribumi Bersatu Malaysia，英文：Malaysian United Indigenous Party，简稱土團黨、BERSATU同PPBM）