平安鐘 (香港)

香港嘅平安鐘（Personal Emergency Link Service），曾經叫一線通平安鐘，係由香港長者安居協會為長者同其他有需要人士提供嘅救命鐘服務。

平安鐘服務喺1996年開始有，24小時運作，熱線中心會因應求助人需要去幫手，可以叫白車或者報警，或者提供其他社會資源嘅資訊。

有需要嘅人可以向長者安居協會申請，會攞到一個平安鐘主機同遙控掣，主機要連接家用電話線。用家遇到緊急狀況，只需㩒主機掣或者遙控掣，就可以搵到熱線中心。

每逢寒流吹襲香港，都會有好多長者㩒平安鐘。

平安鐘重有多種服務，包括平安手機、智平安、智安心軟件。