平水尺
平水尺係用來度睇下一個面係咪水平或垂直，即係用來度平水。呢種尺係響好多做工程嘅人都要用到，例如鬥木佬，泥水佬，測量員等等。
平水尺最主要係兩條裝住有色酒精嘅細玻璃管，一條度水平，一條度垂直。兩條管一橫一直鑲響一條長方體嘅尺上面。酒精管中間個肚微微凸出，個肚兩邊有劃咗兩平行條綫，裏面有一個汽泡。要度嗰陣，將尺貼實個面上面。兩條管其中一個泡就會移向中間，如果個泡係啱啱好響兩條綫中間，咁個面就係水平或垂直。一條準嘅平水尺，可以將角度誤差細到5秒。
平水尺因為係用乙醇酒精，所以就算天氣好凍都唔怕，因為佢個冰點係−114 °C。
歷史
[編輯]
平水尺係十七世紀Melchisedech Thevenot發明嘅。