平湖 (錦田)

平湖，右方建築物為錦田水尾村村公所。

平湖喺香港新界元朗區錦田水尾村嘅北邊邊陲。平湖嘅南面係有名嘅錦田樹屋，北面係逢吉鄉，西面係田野嘅地方，東面冇幾遠係水尾村嘅主要古建築，包括過百年嘅水尾村天后宮、水井同土地社壇等，村公所亦都喺附近。

平湖事實上祗係由幾個池塘組成，個名取自水平如鏡嘅意思，因為水塘附近一帶都非常空曠，重可以喺湖泊之中睇到香港最高嘅山峰大帽山嘅遙遠倒影。