空氣污染
(由廢氣跳轉過嚟)
 |
空氣污染係指一啲危害人體健康同周邊環境嘅物質對大氣層所造成嘅污染。呢啲物質可以係氣體、固體或液體懸浮物等。生物日常呼吸嘅空氣，係由多種氣體所組成，最普遍氣體元素係氮，其次係氧。每種氣體成份都有少少唔同，會有輕微嘅轉變。如果空氣中嘅污染物數量少嘅話，對人體同環境嘅影響會比較輕微，不過當呢啲污染物增加到危險嘅水平，就要諗辦法將佢哋從空氣度消除。
害處
[編輯]空氣污染有損健康同會令人感到唔舒服，呢個係每個人都應關注嘅問題。細路、老人家同患有心肺功能毛病嘅人，最容易受到周圍嘅空氣污染所影響。污染嘅空氣亦會損害生活質素。而且，如果長期吸入過量含污染物嘅空氣，就會覺得唔舒服，重會對健康造成長期不良嘅影響。