廣州巴士縱火案

出自維基百科,自由嘅百科全書
Jump to navigation Jump to search

廣州巴士縱火案係2014年7月15號19點30分發生嘅由301號巴士喺廣州大道南嘅墩和站停車嗰陣,發生咗着火之後就爆炸嘅一單慘案。而呢單案搞到有2個人死咗,32個人受咗傷[1]

經過[編輯]

喺2014年7月15號晚黑19點30分,一部由北向南行緊嘅301號巴士喺行到廣州大道南嘅墩和站嗰陣,有位犯罪嫌疑人喺落車之前,就㗳低條腰,用咗同火機差唔多嘅嘢,就喺巴士嘅後門對面座位度點着咗有80cm長,差唔多40cm闊嘅格仔花紋蛇皮編織袋,之後個袋上就飆出火星。嗰個男仔喺個袋飆咗火星之後就即刻喺部巴士嘅後門走甩咗,重要係雞噉腳走得鬼咁快嘅。車入面啲乘客發現咗有火星之後就唔多妥,即刻爭先壅後走嗮落車嚟避難,而有啲乘客就嚟唔徹,結果巴士着火嗰陣重未落車。就係噉過咗5分鐘,成部巴士變咗個火球,甚至重波及到喺巴士月台嗰邊等緊車嘅乘客。而巴士頂即刻當場變到得返散架。而呢單嘢搞到有2個人死咗,32個人受咗傷[1]

結果[編輯]

後嚟廣州警方發佈咗同廣州301號巴士火燭爆炸案入面嘅嫌疑犯,就係一位喺湖南省衡陽市衡南縣近尾洲鎮朱雅村入面住嘅人——歐長生,廣州當地嘅派出所已經去咗嗰個村嚟搞調查。而嗰個村嘅支書——陳少華就話畀記者知:「歐長生嘅阿爸阿媽都係農民,而佢老竇係小組長。」喺2011年9月,歐長生嚟咗廣州之後就喺白雲區嗰邊租咗間屋嚟住。後嚟佢話因為賭錢輸得太多而唔憤頸,結果就搞出咗單縱火案喇[2]。而呢單案同2014年6月25號嘅武廣高鐵破壞案嘅嫌疑犯都係一樣。

喺發生咗呢單嘢之後嘅第二日晏晝,廣州市當局嘅交通部門同二汽公司開咗個表揚會,表揚嗰日301號巴士發生嘅縱火案入面嘅當事司機——馮建暉[3]

[編輯]