廣州市執信南路小學
廣州市執信南路小學，喺廣州竹絲崗三馬路11號，屬越秀區教育局管。1972年創辦，叫竹絲崗小學，1996年改成依家個名。[1]
2010年7月9號，《羊城晚報》嘅報導《越秀區執信南路小學要求學生不管是上課還是課餘時間，都要講普通話》，話呢間學校個校長極力推行普通話教育，要求學生上堂要講撈話，落堂同書友傾計、玩嗰陣都要講撈話，要學生互相監督檢舉揭發。
1個學生家長話：「學校專門嗌環保小衛士來監督， 一旦發現有學生講粵語，就會記名，交畀老師處理。聽我女講，違反規定就要扣學分，扣10分以上就唔准做班幹部，仲要全校點名批評。」[2]
參考
[編輯]- ↑ 〈广州市越秀区执信南路小学〉。www.yuexiu.gov.cn。原著喺2023-11-13歸檔。喺2023-11-13搵到。
- ↑ 〈学校封杀粤语引发家庭纷争 祖孙俩"鸡同鸭讲" -新闻中心-杭州网〉。news.hangzhou.com.cn。喺2023-11-13搵到。