廣州電視塔
| 廣州電視塔 | |
|---|---|
  | |
| 明細 | |
| 原名 | 廣州電視塔 |
| 類型 | television tower[*] |
| 用途 | 電波塔 |
| 構造 | 鐵塔 |
| 樓數 | 3 |
| 高度 | 218 米 |
| 落成 | 1991年 |
| 喺邊 | 中國 廣東省 廣州市 越秀區 |
| 座標 | 23°08′50″N 113°15′47″E / 23.1472°N 113.2631°E |
提示：呢篇文講嘅唔係廣州塔。廣州電視塔係廣州人民廣播電台同廣州電視台嘅其中一棟用嚟發射廣播電視信號用嘅四邊形鐵塔，而呢座塔响廣州市越秀區嘅花果山度，距離呢座塔冇幾遠就係廣東電視塔。[1]
介紹
[編輯]呢座塔喺1991年落成，成座塔有218米咁高。[2]雖然話起緊座塔嗰陣，喺130米嘅位度整咗個圓型玻璃幕牆嘅觀光層，但由於負責投資呢個項目嘅香港銀利企業集團董事長——劉盈福，半佬就走佬唔玩喇，搞到觀光層就一直都冇整到落去。[3]後嚟到咗2008年，中國嘅廣電總局就批准咗廣州電視塔嘅調頻廣播同電視發射嘅設備、重有機房都搬嗮去廣州塔嘅發射台度。[4] 噉由於廣州電視塔嘅高度唔夠高、重有交通唔方便、附近都冇咩旅遊景點等好多方面嘅原因，搞到依家已經冇人用呢座塔喇。
睇埋
[編輯]註
[編輯]- ↑ 〈广东电视发射塔:徘徊在恋旧与贪新的边缘〉。《南方都市报》。原著喺2008-06-14歸檔。喺2010-01-26搵到。
- ↑ 〈筹建广州电视台的艰辛历程〉。广州文史。原著喺2016-03-04歸檔。喺2010-01-26搵到。
- ↑ 〈广州新电视塔建成后，两家电视塔酝酿二合一〉。《新快报》。原著喺2006-10-12歸檔。喺2010-01-26搵到。
- ↑ 〈关于广州花果山广播电视发射台搬迁至广州新电视塔的通知〉。广州市文化广电新闻出版局（版权局）网站。原著喺2020-03-16歸檔。喺2010-01-26搵到。