廣東人民廣播電臺

廣東人民廣播電臺，總部設喺省城廣州市越秀區人民北路686號廣東廣播中心，係南方廣播影視傳媒集團嘅成員。

手下頻道

廣東電台有 10 個頻道，分別係：

• 廣東電台新聞台（FM91.3）：1996年7月8號開播，又叫廣東衛星廣播。全部講國語，覆蓋全省。成日冇停播音。

• 珠江經濟台（FM97.3，AM1062，珠江口地區 FM103.0）：1986年12月15號開播，24小時國語社會經濟為主要特色，集新聞、資訊、服務、娛樂於一體嘅大眾型廣播電台。覆蓋除粵東外全省其他地方。

• 音樂之聲（FM99.3）：1991年1月23號開播，宣傳口號係「音樂娛樂第一台」，播啲娛樂訪談之類嘅嘢。覆蓋廣州，珠江口沿岸城市以及湛江市。以國語播音為主。

• 城市之聲（FM103.7）：1996年4月18日開播，係以廣州市區同珠江三角洲城市居民為對象嘅綜合性電台，講你聽新聞，交通消息，又會放下歌仔，主持人吹水。以國語為主。

• 南方生活廣播（FM93.7，AM999，湛江FM101.5）：1996年4月28號開播。前身係健康之聲，用粵語播出。由廣東電台與廣東省衛生廳合辦。全日 24 個鐘播音（每星期一中午 12 點至夜晚 18 點停機檢修）。目前僅覆蓋廣州周圍同埋湛江。成日都好多黃綠喺呢個頻道買廣告，但係佢又會時不時放吓粵劇，啱晒啲銀髮族（長者）嘅口味。

• 羊城交通台（FM105.3）：1993年7月30號開播。專業嘅交通電台，密密嘴講你知最新嘅廣州交通狀況。呢個台嘅主持人講嘢生鬼，深受司機大佬歡迎。信號覆蓋珠三角大部分地區同埋湛江。

• 廣東電台財經927（珠江股市台）（FM95.3，AM927）：1993年4月28號開播。一個專門講股票嘅頻道，先前加密播出，前幾年開始免費播送之後收聽率升到嘭嘭聲，一躍成為廣東地區電台收聽率 top10。全廣州話播放。係廣東電台系列台中發射功率最細嘅頻道。

• 廣東電台南粵之聲（深圳 FM105.7）： 2004年8月20號開播，呢個頻率原本係珠江經濟台喺深圳嘅轉播台，後來廣東電台喺度搞一個獨立嘅國語頻道。

• 廣東電台文體廣播1077（FM107.7）：2004年8月9號開播。而加叫架勢1077。提供音樂及娛樂節目，普通話交通消息。