張永豪
張永豪（Gary），香港電視製作人，曾經喺亞洲電視做助理編導，曾經北上發展，之後轉去無綫電視做助理編導，2008年升為導演。
爭議
[編輯]張永豪被指經常性對非一線演員同埋其他幕後工作人員施襲同粗口對待，有報道話無綫好多人都敢怒不敢言，皆因佢老婆係無綫高層曾勵珍嘅親戚。俾佢鬧過嘅藝人包括佘詩曼、周家怡、鄭欣宜、陳茵媺、魏焌皓、劉蔚萱、趙國東、彭國樑等。其中魏焌皓甚至試過喺記者面前被張永豪用劇本棒打，仲恐嚇佢唔好報寸，祝佢生仔無屎忽。不過，當佢面對一啲資深藝人嘅時候，就會即刻變臉[1][2][3]。
其中佘詩曼啱啱出道嗰陣參演《生命有Take 2》，有一場戲通告突然改早，結果佘詩曼遲咗18分鐘，結果張永豪就追著佢嚟鬧，鬧佢「淨係識帶塊嘢返工」，事後佘詩曼向高層表明以後拍劇唔想再見到佢[1][2]，多年後記者再問及事件，佘詩曼仍然話「對於一個素質咁差嘅人，我唔想作任何評價。」[3]。
2012年拍攝《心路GPS》虐待劉蔚萱被廣泛報道
[編輯]而去到2012年9月，劇集《心路GPS》拍攝期間，張永豪因為不滿劉蔚萱嘅的表現，而對佢施虐，明知佢怕田雞都要用有田雞味嘅膠袋笠佢頭，而且仲要撼佢個頭埋牆，又大叫佢八婆。事件經過因為有人拍低段片放上網而被廣泛報導，結果無綫電視高層介入事件，但張永豪得到高層保護，反而係劉蔚萱被高層質疑係咪放料人，而曾勵珍亦公開表明要追究放片嘅人，又話事件只係導演教戲。多名藝人包括杜汶澤、蔡少芬、蒙嘉慧、黃秋生、黃日華等都批評張永豪。蒙嘉慧直指人要控制情緒，大家都有尊嚴。黃秋生亦表明唔認同所謂「教戲」嘅辯解，反問拍火燒戲係咪搵把火燒個演員。最後，張永豪受到無綫嘅警告信，並且喺查小欣主持嘅電視節目入面向劉蔚萱道歉[2][4][5][6][7]。
參考
[編輯]- ↑ 1.0 1.1 〈佘诗曼被爆大镬！拍剧被骂：净系识带块嘢返工！〉。xuan.com.my。喺2022-05-07搵到。
{{cite web}}: CS1 maint: url-status (link) - ↑ 2.0 2.1 2.2 〈爆阿佘遭躁導演張永豪辱罵：你淨係識帶塊嘢返工〉。《忽然1周》。894。
- ↑ 3.0 3.1 〈躁狂導演虐待「嘴刁雕」 佘詩曼都畀佢鬧到喊！ - 網上Fun片〉。《東周網【東周刊官方網站】Eastweek.com.hk》 (臺灣中文)。喺2022-05-07搵到。
- ↑ 〈澄清令劉蔚萱驚喊導演非親戚 曾勵珍追查放片人：事件不涉虐待〉。news.yahoo.com (美國英文)。喺2022-05-07搵到。
- ↑ 〈虐待新演员导演收无线警告信向对方道歉-旅游频道-手机搜狐〉。m.sohu.com。原著喺2022-05-07歸檔。喺2022-05-07搵到。
- ↑ 〈劉蔚萱遭冷待 飯局冇份 - 東方日報〉。orientaldaily.on.cc。喺2022-05-07搵到。
- ↑ 〈同「嘴刁雕」握手 躁狂導演認衰道歉 - 娛樂放題 - 娛樂追擊〉。《東周網【東周刊官方網站】Eastweek.com.hk》 (臺灣中文)。喺2022-05-07搵到。