個人電腦
個人電腦，又叫
1973年法國工程師François Gernelle同埋André Truong發明咗最早嘅個人電腦Micral。
一般嚟講個人電腦分為兩大機型同埋兩大系統，喺機型上分為常見嘅桌面電腦同埋筆記本電腦。喺系統上分別係國際商業機器（IBM）整合制定嘅IBM PC/AT系統標準，以及蘋果電腦所開發嘅Macintosh系統。
狹義嚟講，PC 係指前者（IBM 整合制定嘅 PC/AT）；喺 IBM PC 出現之後，個人電腦呢個名亦都被 IBM 壟斷咗，所以好多時 ｢個人電腦｣ 亦都可能會指前者。IBM PC/AT標準由於採用x86開放式架構而得到大部分廠商支持，成為市場上主流，因此一般所講嘅PC意指IBM PC/AT相容機種，呢個架構嘅中央處理器採用Intel或AMD等廠商出嘅中央處理器。
東芝採用x86架構開發出世界第一部筆記本電腦。
而桌面電腦因為採用開放式硬件架構，所以除咗品牌之外，自己嵌嘅白牌電腦（white box）亦都非常盛行。
個人電腦
[編輯]1980年代，IBM推出以英特爾 x86 硬件架構同微軟公司 MS-DOS 作業系統嘅個人電腦，並制定以 PC/AT 為 PC 嘅規格。之後由英特爾所推出嘅微處理器同埋微軟所推出嘅作業系統幾乎等同於個人電腦嘅發展史。Wintel 架構全面取代 IBM 喺個人電腦嘅主導地位。
個人電腦主機結構
[編輯]按照大細同移動性分類：
- 桌面電腦（又叫：桌上型電腦、台式機，desktop）
- 伺服器（唔係個人電腦）
- 可移動電腦（同筆記型電腦相同）
- 筆記本電腦
- 平板式電腦（只可以歸類為筆記型電腦嘅衍生型）
- 個人數碼助理（PDA，又叫：個人數位助理）（唔係個人電腦）
- 可穿戴式電腦（概念型產品，未具市場規模同趨勢，美國VA公司喺1999年主推過，但而家唔再強調。）
主流市場上佔據大多數嘅係IBM相容機同埋蘋果電腦，大多數軟件都可以不加修改，或者只作少量修改就可以喺呢兩種主流機器上運行。通常存儲器同一啲外圍設備（比如顯示卡同埋磁碟存儲器）係容易升級嘅，甚至係最終用戶自己郁手。為咗提升電腦嘅處理能力，有時甚至可以換主機板。個人電腦產業發展迅速，每三到五年就會有一大變，因此好似噉嘅升級係有必要。舉例來說，一部五、六年前被認為係高端配置個人電腦，喺今日睇，個中央處理器（CPU）、記憶體、周邊設備嘅速度、容量等都已落後，已經行唔到今日嘅軟件。市場上主流嘅作業系統軟件（例如微軟公司嘅Windows）嘅每一次升級都會帶來新嘅便捷、適用性，同時亦對個人電腦嘅硬件系統提出新嘅要求，促進個人電腦嘅硬件發展同埋改朝換代。
個人電腦嘅硬件功能可以通過插入主板擴展槽嘅附加擴展卡來擴充。到2005年主要嘅標準系統匯流排有PCI-E、PCI同埋AGP。個人電腦亦可以通過添加額外嘅驅動器來升級（好似光碟機、硬碟、USB驅動器等），標準嘅存儲設備介面有ATA、SATA/SATA II以及SCSI。
底板
[編輯]底板係電腦嘅主要電路板（PCB）。電腦嘅其他硬件一般直接插入到底板來交換信息。底板通常由晶元組、BIOS、CMOS、並口（又叫：並列埠、印表埠），PS/2鍵盤及滑鼠介面同埋擴展插槽組成。有時為咗縮細底板尺寸，會將子板插入底板來擴充更多擴展槽嚟節省成本。現時主流嘅底板規格有ATX、M-ATX。而未來嘅主流規格會係BTX （Balanced Technology Extended）：
- picoBTX：底板最長203.20毫米，最多一個擴充卡插槽
- microBTX：底板最長264.16毫米，最多四個擴充卡插槽
- BTX：底板最長325.12毫米，最多七個擴充卡插槽
中央處理器
[編輯]中央處理器（CPU）係電腦最主要嘅決定計算能力組件，電腦程序同作業系統喺佢上面運行。唔同類型嘅CPU安裝到主板上唔同類型嘅插槽（主流嘅插槽有Socket 775、Socket LAG775、Socket 1366 Socket AM2、Socket AM2+、Socket AM3。當中Intel嘅處理器用SocketLGA775，AMD嘅就用Socket AM2/AM2+/AM3。）。大多數IBM兼容電腦用 x86-架構嘅處理器，佢哋由英特爾（Intel）、超微（AMD）、威盛電子（VIA）或者全美達（Transmeta）生產。當前嘅蘋果電腦基於IBM PowerPC RISC處理器，但係蘋果公司2005年6月宣佈由2006年開始蘋果電腦會用英特爾處理器，到2007年所有蘋果電腦全部裝配英特爾處理器。到2009年大部分CPU都已經採用45納米製程核心，英特爾亦表明2010年（2009年第三季）會推出全新32納米製程核心嘅CPU，Socket亦會轉做Socket 1153。
隨機存取記憶體/記憶體
[編輯]隨機存取記憶體（RAM）係電腦嘅「短期臨時儲存器」，佢嘅讀寫速度遠遠高過硬碟機或者光碟機呢類大容量儲存設備，但係當系統關閉或者冇電，佢儲存嘅內容就會冇晒。喺個人電腦，隨機存取記憶體分為DDR同埋和DDR2，而顯示卡上除咗DDR同DDR2，重有GDDR3。
顯示介面卡
[編輯]顯示介面卡（Video card，Graphics card），又稱為顯示適配器（video adapter），係個人電腦最基本組成部分之一。顯示卡嘅用途係將電腦系統所需要顯示信息進行轉換驅動顯示器，並向顯示器提供行掃描信號，控制顯示器嘅正確顯示，係連接顯示器同個人電腦主板嘅重要元件，係「人機對話」嘅重要設備之一。
nVIDIA GeForce 4 Ti 4200 顯示卡係插落主板擴展槽嘅（而家一般係PCI-E或AGP插槽）。佢主要負責將主機向顯示器發出嘅顯示信號轉化為一般電信號，令顯示器明白個人電腦要佢做乜。顯示卡嘅主要晶元叫「顯示晶元」（Video chipset，又叫GPU或VPU，圖形處理器或視覺處理器），係顯示卡嘅主要處理單元。顯示卡上亦有同電腦記憶體相似嘅儲存器，稱為「顯示記憶體」，簡稱顯存。
早期嘅顯示卡只係單純意義嘅顯示卡，只起到信號轉換嘅作用；而目前一般使用嘅顯示卡亦帶有3D畫面運算同埋圖形加速功能，所以亦叫做「圖形加速卡」或「3D加速卡」。
顯示卡通常由匯流排介面、PCB板、顯示晶元、顯存、RAMDAC、VGA BIOS、VGA功能插針、VGA插座同其他外圍元件構成，家陣嘅顯示卡大多重具有DVI顯示器插頭同埋S-video端插頭。
顯示卡介面嘅類型：
- ISA顯示卡：家陣最普遍使用嘅VGA顯示器支持到嘅最古老顯示卡。
- VESA顯示卡：VESA係「Video Electronic Standards Association」（影像電子工程標準協會）嘅縮寫，由多間電腦晶元製造商喺1989年聯合創立。1994年底，VESA發表咗64位架構嘅「VESA Local Bus」標準，80486以後嘅個人電腦大多採用呢個標準嘅顯示卡。
- AGP顯示卡：AGP（Accelerated Graphics Port）係英特爾（Intel）公司喺1996年開發嘅32位元匯流排介面，用嚟增進電腦系統中嘅顯示效能。分別有AGP 1X、AGP 2X、AGP 4X同埋最後嘅AGP 8X，頻寬分別係266MB/s、533MB/s、1066MB/s、以及2133 MB/s。其中AGP 4X以後已經同之前電壓唔相容。其中3Dlabs嘅「Wildcat4 7210」係最強嘅專業AGP圖形加速卡，而ATI公司嘅Radeon X1950 Pro AGP係性能最強嘅民用AGP圖形加速卡。
- PCI Express顯示卡：PCI Express（又叫PCI-E）係顯示卡最新嘅圖形介面，用來取代AGP顯示卡，面對日後3D顯示技術嘅不斷進步，AGP嘅頻寬已經唔足以應付龐大嘅數據運算。目前性能最高嘅PCI-Express顯示卡係nVIDIA公司嘅「GeForce GTX 295 DDR3 1768MB」同埋ATi公司嘅「HD4870 DDR5 1GBX2」。此外，家陣有啲顯示卡可支援雙顯示卡（nVIDIA嘅SLi同埋ATi嘅Crossfire），甚至多顯示卡技術（nVIDIA嘅3-way SLi同埋ATi嘅CrossfireX）。
硬碟驅動器
[編輯]永久儲存資料嘅機器。
電源
[編輯]通過家用交流電源為電腦提供穩定嘅直流電。好多舊個人電腦出現嘅問題都歸咎於電源供應單元嘅缺陷或者係過熱。
作業系統
[編輯]目前PC市場上佔有率最高嘅係DOS系列後，微軟所推出嘅Windows系列，其次係類Unix系列嘅作業系統，例如有開放式架構且逐漸竄起嘅GNU/Linux，以及FreeBSD等。
製造廠商
[編輯]戴爾（DELL）、惠普（Hewlett-Packard）、富士通（Fujitsu）、西門子（Siemens）、聯想（Lenovo）、國際商業機器（前稱「萬國商業機器」，IBM）、Sony（新力／索尼）、NEC、東芝（TOSHIBA）、華碩（Asus）、Acer（碁基）等係世界性嘅知名品牌。
