德晉集團陳榮煉案及瀛海集團蔡偉振案

本文簡述一堆以德晉集團為主，瀛海集團為副，一齊審理嘅案件之法律消息。

時序

响二〇二一年十二月三號，《財新網》報道，佢整合公開資訊，發現除咗太陽城集團之外，涉及較多與賭博相關嘅大陸案件之澳門賭廳經營者為德晉集團，亦得知有個叫衛品良嘅大陸人，唔單止同時做呢兩檔嘢嘅疊碼仔，重入股後者，直接參與分紅，更喺澳門請咗班人去接待賭客。响二〇二一年十二月十號，南方財經全媒體報道：佢檢查之後得知，中國檢察網由二〇一九年一月一號至當時，一共刊登咗五篇涉及德晉集團嘅起訴書，其中之一指控呢檔嘢靠同人哋合作，跨境開賭開到大陸。

响二〇二二年一月廿九號：澳門司法警察局通知傳媒，佢根據太陽城集團周焯華案嘅後續調查，捉多咗兩個人；《香港01》及《濠博新聞》話得知上述被捕者包括德晉集團呀頭陳榮煉。响二〇二二年一月卅號：澳門司法警察局召開新聞發布會並將佢哋交畀澳門檢察院偵辦，透露上述逮捕嘅日期係二〇二二年二月廿八號；《濠博新聞》話得知另外嗰個被拉嘅係瀛海集團呀頭蔡偉振。响二〇二二年一月卅一號：澳門司法警察局發布新聞稿，話响二〇二二年一月廿九號捉多咗另外兩個疑犯——係五十五歲姓周嘅香港男人及卌二歲姓陳嘅澳門女人，並已經交咗佢哋畀澳門檢察院偵查；《濠博新聞》話得知嗰兩個都係德晉集團嘅人。

响二〇二二年八月四號，《澳門日報》報道：澳門檢察院最近已經正式控訴陳榮煉及另外八個疑犯。

响二〇二二年十二月五號，澳門初級法院開庭審理呢單嘢：被告係陳榮煉、王佩琼、張秀碧、廖永亨、陳錦志、李達泉、蔡偉振、李滿星及譚桂嫦；刑事罪名為黑社會罪、犯罪集團罪競合、在許可地方內不法經營賭博罪、詐騙罪（相當巨額）、不法經營賭博罪、清洗黑錢罪（加重）及為賭博的高利貸罪；另有民事賠償請求——澳門檢察院為澳門特別行政府要575,213,187.00港元，永利渡假村（澳門）股份有限公司要48,251,602.75港元，澳娛綜合度假股份有限公司要35,648,247.00港元，威尼斯人澳門股份有限公司要46,991,348.63港元，美高梅金殿超濠股份有限公司要3,828,581.50港元。

一審响二〇二三年四月廿一號宣判：喺刑事罪名方面，陳榮煉被判處十四年實際徒刑，王佩琼及張秀碧各被判處十年實際徒刑，廖永亨被判處十一年實際徒刑，李達泉被判處七年實際徒刑，陳錦志、蔡偉振、李滿星及譚桂嫦均獲判無罪；上述五個罪犯除咗被判處一齊揹起上段列出嘅全部民事賠償，重要畀81,154,613.00港元過銀河娛樂場股份有限公司，以彌補其賭底面勾當對各方造成嘅財產損失——嗰六條數均會衍生即日起計嘅法定利息。

呤時

• 司法警察局 Policia Judiciaria
• 司法警察局 Policia Judiciaria
• 澳門特別行政區檢察院
• 澳門特別行政區法院網站 | 新聞消息
• 澳門特別行政區法院網站 | 新聞消息