心肺復甦法

出自維基百科,自由嘅百科全書
跳去: 定向搵嘢
心肺復甦法訓練
心肺復甦法配合自動體外去纖維性顫動器訓練

心肺復甦法Cardiopulmonary Resuscitation,CPR)係一種應急手段,以人工方式維持心臟停止病患者血液循環以及氧氣供應。

由於唔少患者心臟停止嘅原因係心臟出現纖維性顫動,令心臟唔能夠正常運作,單單靠心肺復甦法並唔足夠 [1]

但如果心肺復甦法配合自動體外去纖維性顫動器,患者嘅生還機會將會大幅提升[2]

2010年,美國心臟協會(AHA)以及國際復甦法聯絡委員會(International Liasion Committee on Resuscition)修訂咗心肺復甦法指引,令程序大幅簡化,過往係先實行A步驟(保持呼吸暢通),跟住B步驟(人工呼吸),然後C步驟(胸部按壓),但係新版改為先實行C步驟(胸部按壓),再實行A步驟(保持呼吸暢通),最後先至做B步驟(人工呼吸)。按壓胸部頻率為每分鐘一百下[3]:S640[4] The importance of high quality CPR (sufficient rate and depth without excessively ventilating) was emphasized.[3]:S640[3]:S642[3]:S642

修訂中有一項全新建議:除咗新生嬰兒外,面對所有幼兒、兒童同成年患者,當急救者得一個人,壓胸同吹氣次數嘅比率一律為30:2(舊建議係15:2)[5]:8[5]:8[3]:S647[6]

細路同大人心跳停止嘅病因唔一定相同,因此,針對嬰兒及細路嘅急救步驟嘅建議,同針對大人所用嘅步驟唔同。

對新生兒患者建議嘅心肺復甦術,適用於啱啱出世,直到佢離開醫院為止。嬰兒心肺復甦術嘅臨床指引,適用於年紀未到一歲嘅患者。

針對非專業性施救者嘅兒童心肺復甦術,適用於年紀大概一至八歲嘅患者;而針對非專業性施救者嘅成人心肺復甦術,適用於年約八歲以後患者。為咗令非專業施救者減少學習嘅負擔,呢項年齡嘅建議同二零零零年頒佈嘅指引相同。

針對醫護人員嘅兒童心肺復甦術,適用於一歲至青春期初(約十二至十四歲),界定嘅方法係判別第二性徵存唔存在。醫院(尤其兒童醫院)或兒童加護病房可以選擇將兒童心肺復甦術嘅適用對象套到全部兒科患者(一般上到十六至十八歲),而唔係以青春期與否來判斷施行成人心肺復甦術或兒童心肺復甦術。

行動順序[編輯]

若果喺患者發生心跳停止嘅現場,有其他人在場,咁就好多嘢可以同時進行。例如一位或多位受過訓練嘅急救員可以立即施行心肺復甦術,同時可以請旁觀者打電話召喚緊急醫療系統嘅協助、去攞自動體外心臟去顫器(有嘅話)、以及帶領緊急醫療服務人員到場。

但如果只有一名急救員在場,無其他人幫手:

方案一,先求救再施救:

  • 先致電緊急醫療系統,若有自動體外去顫器嘅話可以攞定先。安全情況下,急救員應立即返到患者身邊、開始心肺復甦術及使用自動體外去顫器(若情況許可)。
  • 急救員打開患病呼吸道並檢視有冇正常呼吸,若果冇呼吸,進行兩次人口呼吸。
  • 吹氣後,急救員應交替進行三十下壓胸同兩次吹氣,如果情況許可,儘速使用自動體外去顫器。

方案二,先施救再求救:

  • 觀察環境,保障自身安全。安全情況下,急救員先打開患者呼吸道並檢查有冇呼吸,若果冇呼吸,做兩次人工呼吸,吹氣份量應該啱啱足以目睹患者胸部拱起。
  • 急救員跟住應施行五組心肺復甦術(每組三十下壓胸及兩次吹氣,歷時約兩分鐘),之後先致電緊急醫療系統(若果有自動體外去顫器嘅話可以攞埋)。

(更詳盡嘅細節,可參照相關課程嘅教材。急救員應該按實際情況判斷所需行動。)

胸部按壓[編輯]

按壓部位:一手用手掌近腕部分撳住胸骨劍突上5厘米左右,另一手撳呢隻手,例如,如果用右手直接撳胸骨,請將左手手掌撳住右手掌背上,用左手手指扣實右手各手指離,令右手手指離開患者胸壁,壓胸嘅時候雙臂手肘唔可以彎曲,以上半身力量垂直下壓,目前建議按壓幅度要到達3至5厘米。幼兒下壓幅度約2.5厘米。針對所有患者,施救者壓胸頻率應該大約每分鐘一百下,每撳完一下,應該等患者胸部升起,先再撳第二下[5]:8

核發心肺復甦術認證卡單位(台灣)[編輯]

台北市心肺復甦術訓練登錄卡

香港認可心肺復甦或急救資格訓練機構[編輯]

參考[編輯]

  1. WebMD Medical News. "Real CPR isn't everything it seems to be". 喺2007-06-13搵到. 
  2. Cardiopulmonary Resuscitation (CPR) Statistics
  3. 3.0 3.1 3.2 3.3 3.4 Field JM, Hazinski MF, Sayre MR; 等 (2010). "Part 1: executive summary: 2010 American Heart Association Guidelines for Cardiopulmonary Resuscitation and Emergency Cardiovascular Care". Circulation. 122 (18 Suppl 3): S640–56. doi:10.1161/CIRCULATIONAHA.110.970889. PMID 20956217.  未知參數|month=已忽略 (詳情)
  4. Hazinski MF, Nolan JP, Billi JE; 等 (2010). "Part 1: executive summary: 2010 International Consensus on Cardiopulmonary Resuscitation and Emergency Cardiovascular Care Science With Treatment Recommendations". Circulation. 122 (16 Suppl 2): S250–75. doi:10.1161/CIRCULATIONAHA.110.970897. PMID 20956249.  未知參數|month=已忽略 (詳情)
  5. 5.0 5.1 5.2 "Highlights of the 2010 American Heart Association Guidelines for CPR and ECC" (pdf). American Heart Association. 
  6. Berg RA, Hemphill R, Abella BS; 等 (2010). "Part 5: adult basic life support: 2010 American Heart Association Guidelines for Cardiopulmonary Resuscitation and Emergency Cardiovascular Care". Circulation. 122 (18 Suppl 3): S685–705. doi:10.1161/CIRCULATIONAHA.110.970939. PMID 20956221.  未知參數|month=已忽略 (詳情)