忘形水
《忘形水》（The Shape of Water）係一部2017年嘅美國奇幻電影，由吉拿域戴拖路執導同監製。主演係莎莉賀堅絲、米高沙朗、Richard Jenkins、杜鍾斯、米高舒伯、奧緹華史賓莎。
呢套片喺第90屆奧斯卡金像獎得到13個提名，贏到最佳電影獎、最佳導演獎、最佳原創音樂獎同埋最佳藝術指導獎。喺第75屆金球獎得到7個提名，贏到最佳導演獎同埋最佳原創配樂獎。
劇情[編輯]
1962年冷戰期間喺高度設防研究所裏面唔能夠講嘢嘅清潔女工Elisa Esposito，每日都過著單調乏味生活。直至發現類似人魚嘅奇怪生物，被囚禁喺研究所水箱內，Elisa嘅內心慢慢泛起漣漪，無聲彷有聲嘅互動，拉近兩顆心靈感情萌生；當佢知道會有非人道實驗發生喺水怪身上，更諗盡辦法要救出對方，愛到忘形愛到底。