性別定型

性別定型係指社會對某個性別嘅角色、行為同處事等方面有固有期望，視為符合男性同女性應有嘅行為丶權利同義務。

常見嘅例子係男性應該比女性強。中國傳統觀念有重男輕女，認為男士應該要揾錢養家，女士應該留喺屋企打掃同照顧細路。相反，如果一個人未能符合某個性別嘅期望。例如，男士好怕醜同怕事，性格好女性化，就會畀人批評。