意大利憲制改革公投

出自維基百科,自由嘅百科全書
Jump to navigation Jump to search
‹ 2016 • Flag of Italy.svg             
2016年12月4號
選舉類型 公投
選舉制度 單選區簡單多數制

你贊唔贊成修改憲制削減參議院人數同權力?
贊成
  
40.89%
唔贊成
  
59.11%

選票分佈圖
  13,432,208   贊成
  19,419,507   唔贊成

意大利憲制改革公投響2016年12月4號舉行[1]

背景[編輯]

英國公投通過脫歐特朗普贏出美國總統被認為係反映民粹主義高漲,呢股顛覆建制,打破傳統秩序嘅浪潮,未來幾個月會可能席捲歐洲,徹底改變歐洲政治格局[1]

首當其衝係意大利呢次舉行嘅憲制改革公投,主要係削減參議院人數同權力,總理倫齊講明,如果公投唔過就唔撈,反對陣營一直響民意調查領先,如果倫齊落台,提早大選,近年迅速冒起,成為意大利最大反對黨兼攞到羅馬市長嘅五星運動好有可能上台執政。反建制、疑歐派嘅五星運動,曾經建議就歐元地位舉行公投,一旦成功,實會觸發歐洲政局同金融動盪,影響唔睇少得[1]

外界除咗關注將公投結果同自己政途掛鈎總理倫齊嘅去留問題,更憂慮觸發意大利脫歐[2]

今次憲法改革主要針對國會同政府體制,內容包括將參議院人數由三百一十五人減到一百人,限制參議院否決法案嘅權力,可以縮短參眾兩院拉鋸時間,提高行政效率。另外,亦會收返地方政府部分權力,減少中央同地方政府之間嘅官司爭拗[2]

取態[編輯]

支持[編輯]

而倫齊認為,透過憲法改革,可以解除對意大利經濟嘅束縛[3]

反對[編輯]

反對憲法改革嘅陣營包括反移民嘅北方聯盟同反建制右翼政黨五星運動,佢哋響公投之前舉行多輪示威,為否決公投造勢[2]

反對陣營又批評,擴大行政機關權力容易令到中央政府獨攬大權,危害民主[2]

民意調查[編輯]

選前民意調查話,否決改革嘅民意佔多數而且一直領先[2]

分析[編輯]

倫齊響2014年以三十九歲做咗意大利有史以來最後生嘅總理嗰時,講明要大刀闊斧改革,但係以改革姿細上台執政成三年來,意大利經濟依然冇起色,失業率徘徊響一成以上,接近百分之十二,南部情況就更差,同時亦被指扶貧不力。而失業超過一年嘅民眾佔失業人口接近六成,比率高過嗮其他歐盟國家。當地經濟過去八年亦累計收縮咗八個百分點左右,倫齊講過經濟增長會超越德國嘅承諾失敗。但係佢將公投同個人前途綁埋一齊,就變成係對自己嘅信任投票。所以反對陣營呼籲民眾藉住公投向倫齊講唔掂[2][3]

分析指出,很多人只係知道公投同倫齊政治前途有關,可能會咗咁而投反對票,根本冇興趣了解改革內容。倫齊接受電視台訪問時就承認自己做錯咗,多番向選民解釋今次公投並唔係去評價政府嘅表現。分析擔心,如果公投被否決,倫齊真係辭職,可能會觸發提前選舉,支持脫歐嘅政黨上台,令意大利成為繼英國之後,第二個啟動脫歐公投嘅國家。不過亦有觀察家認為,留歐陣營毋須過分憂慮,原因係倫齊領導嘅民主黨始終係國會最大黨,況且總統馬塔雷拉為咗維持政局穩定,可能會要求佢推遲辭職嘅決定[2]

亦有專家指出,今次公投嘅焦點已經變質。如果倫齊的提案遭否決,引發政局不穩,當地銀行業可能首當其衝,難以籌集資本重組業務,引發執笠風險,甚至連累歐元區嘅銀行體系。其中面臨危機嘅,包括第三大規模嘅鍚耶納銀行[3]

[編輯]

  1. 1.0 1.1 1.2 (繁體中文)歐洲民粹風潮,now新聞,2016年11月15號。
  2. 2.0 2.1 2.2 2.3 2.4 2.5 2.6 (繁體中文)意大利周日公投憲法改革 否決現佔多數,now新聞,2016年12月2號。
  3. 3.0 3.1 3.2 (繁體中文)意大利經濟低迷成公投通過阻力,now新聞,2016年12月3號。

Template:意大利選舉