愛心票

  提示：呢篇文講嘅唔係愛心券。

愛心票係台灣一種唔同交通工具或者場合都會有嘅票種，一般嚟講係畀持有身心障礙證明（粉紅色）嘅台灣國民，會提供一定折扣。買嘅時候一般都要出示證明。有部分情景，就連合資格人士嘅陪伴者都可以享有優惠。

愛心票情況

交通

• 台灣高鐵：持有身心障礙證明嘅國民可以用5折購買車票，而身心障礙證明背面嘅「必要陪伴者優惠措施」欄位需要寫上「國內大眾運輸工具」字樣。
• 日統汽車：憑身心障礙者手冊正本，佢哋嘅監護人或一位必要陪伴者就可以買到愛心票。
• 台鐵：身心障礙優待票票價係成人票價半數尾數四捨五入後計。

娛樂

• 威秀影城：持身心障礙手冊嘅人就可享有愛心票優待票價。
• 劍湖山世界主題樂園：截至2020年11月，全票需要899台幣，但係身心障礙者憑身心障礙手冊，佢同佢哋嘅一位陪伴者都可以 350台幣買到愛心票。

有關嘅爭議

唔合資格嘅人使用

2018年7月，TVBS就報道有啲乘客會用屋企人嘅身障手冊購買台鐵嘅半價愛心票，自己攞嚟搭車，但因為愛心票係可以代買嘅票種，票閘口亦得一個站務員駐守，人力偏少，防止有難度。

睇埋

• 關愛座