懷柔政策

懷柔政策係一種相對高壓政策既統治手法，亦係一種比較容易被統治民眾接受既統治手法。

懷柔呢個詞語嚟自《中庸》第二十章所講既「凡為天下國家有九經，曰：修身也，尊賢也，親親也，敬大臣也，體群臣也，子庶民也，來百工也，柔遠人也，懷諸侯也。修身則道立，尊賢則不惑，親親則諸父昆弟不怨，敬大臣則不眩，體群臣則士之報禮重，子庶民則百姓勸，來百工則財用足，柔遠人則四方歸之，懷諸侯則天下畏之」裡面所以講既「懷諸侯」同埋「柔遠人」。「懷諸侯」係指天子要時時刻刻都關懷分封咗喺各地既諸侯，廣樹仁義，而仁義道德去感化各國諸侯，用現代既講法就係好似教仔咁，要多啲溝通、多啲鼓勵、多啲尊重、多啲信任，令到諸侯願意好似孝順父母咁對待天子。而「柔遠人」係指天子要時時刻刻都撫慰出差去邊遠地區既官員同埋當地居民，善待歸順自己既藩屬國；如果做到「柔遠人」咁樣四面八方既人才都會嚟投靠同埋歸順，用現代既講法，就係做老細要善待自己手下既馬仔，咁大家都想打你既工。

例子：

最典型既懷柔政策例子就係清兵入關既初期，即刻追封喺煤山吊頸死既崇禎帝做「欽天守道敏毅敦儉弘文襄武體仁致孝端皇帝」，同埋將佢葬喺思陵。同時亦表揚死咗既明朝臣子，錄用舊有既明朝官吏，提倡滿漢一家親，恢復咗科舉考試制度，提升賤民（樂戶、旦戶、丐戶之類）既地位，廢除咗好多種苛捐雜稅，修治黃河等既政治手段，目的係安撫漢人，減低明朝遺民對新政府既不滿，爭取明朝臣民既好感，增加統治效率。