萊特兄弟
萊特兄弟，奧維爾萊特（Orville Wright，1871年8月19號—1948年1月30號）同埋維爾伯萊特（Wilbur Wright，1867年4月16號—1912年5月12號），通常俾人認為係第一架可操控嘅，比空氣重嘅動力飛行器嘅發明者同埋製造者（部份人認為實際上飛機嘅真正發明者係法國發明家克雷芒阿德爾）。
早期生涯同埋研究
[編輯]維爾伯1867年喺印第安納州嘅米爾維爾出世，奧維爾1871年喺俄亥俄州嘅代頓出世。兩兄弟都接受過中學嘅教育但都未有攞到文憑。
萊特兄弟喺代頓長大，並於1892年喺嗰度開咗一間單車維修、設計同埋製造嘅公司，以此嚟資助佢哋對於飛行越嚟越大嘅興趣。喺前人嘅研究成果嘅基礎之上，佢哋喺1899年開始咗佢哋嘅機械航空試驗。同其他人相比，萊特兄弟更加側重於加強飛行器控制技術，而唔係淨係追求動力嘅提升，嚟達到令飛行器升空嘅目的。佢哋研製咗三軸控制，並且建立咗一啲到依家重用緊嘅一系列控制原理。
萊特兄弟係揸第一架裝有引擎嘅飛機飛上天嘅人。佢哋兩兄弟感情好好，細個嗰陣時就一齊玩，大個咗之後一齊研究，終於有卓越嘅成就。
萊特兄弟吸收咗德國人製造滑翔機嘅經驗，製造咗自己嘅滑翔機。1903年，整咗用內燃機作動力嘅飛機。同年嘅12月17號喺基蒂霍克試飛成功，飛行時間達 59 秒。1908年，哥哥威爾伯駕駛一架新型飛機，創造咗飛行 140 分鐘嘅紀錄，佢哋兩兄弟個名好快就傳遍全球。
萊特兄弟雖然成功噉製造咗飛機，但係都繼續研究，以解決飛行上嘅難題。以前越洲渡洋需要經月累日，依家可以拎鐘點嚟計算路程。萊特兄弟可以話係人類航空史上嘅先驅者，帶領人類進入航空時代。
萊特兄弟嘅早期研究係建立係當時嘅航空學嘅文獻基礎上嘅，其中就有 Lilienthal 嘅表。但係，佢哋好快就發現斯密頓系數（一個提升同埋拖拽公式中嘅變數）係錯嘅。喺佢哋嘅僱員查理泰勒建造的風洞嘅幫助下，佢哋測試咗超過兩百種唔同形狀嘅機翼，並最終制定咗佢哋自己嘅關於機翼形狀同埋空氣壓力之間嘅關係表。佢哋喺單車、齒輪、單車引擎同埋（踩單車嗰時保持）平衡等方面得到嘅經驗同埋成果，對佢哋今後喺製造機械飛機中所取得嘅成功係至重要嘅。
值得注意嘅係，喺整個研究工程中，佢哋始終一齊做嘢，因此佢哋所作出嘅貢獻亦係唔可分開嘅。
佢哋發明嘅飛機
[編輯]喺1900年至1902年期間，佢哋除咗進行 1000 幾次滑翔試飛外，重自己做咗 200 幾個唔同嘅機翼做咗成千次風洞實驗，修正咗李林塔爾嘅一啲錯咗嘅飛行數據，設計咗較大升力嘅機翼截面形狀。佢哋喺1903年製造咗第一架依靠自身動力進行載人飛行嘅飛機『飛行者1號』，呢架飛機嘅翼展（wing span）有 13.2 米，升降舵喺前，方向舵喺後，兩副兩葉推進螺旋槳由鏈條傳動，著陸裝置為滑橇式，裝有一副70千克重，功率 8.8 千瓦嘅四氣缸發動機。呢架航空史上有名嘅飛機，依家陳列喺美國華盛頓航空航天博物館（National Air and Space Museum）裏面。
1903年12月14號至17號，『飛行者1號』喺美國北卡羅萊納州基蒂霍克嘅一個沙丘上進行四次試飛。第一次由奧維爾萊特試飛，總共飛咗 36 米，留喺空中 12 秒。第四次由威爾伯萊特駕駛，總共飛咗 260 米，飛咗 59 秒。1906年，佢哋嘅飛機喺美國攞到專利發明權。
佢哋因為呢樣嘢喺1909年獲得美國國會榮譽獎。同年，佢哋創辦咗「萊特飛機公司」。威爾伯萊特喺1912年5月29號死，得45歲。之後，奧維爾萊特30年，令萊特飛機公司成為世界有名飛機製造商，資金高達百億美元。奧維爾萊特喺1948年1月30號死，終年76。
試飛
[編輯]參閱
[編輯] |