跳去內容

成績表

出自維基百科,自由嘅百科全書
幾張成績表

成績表(英文:Report Card)係一張評定學生喺唔同主科(中文,數學,科學等等)同埋其他術科能力表現嘅紙,上面印咗唔同科嘅分數,先生會將學生嘅成績登記,用名次嚟排先後,整成一張成績表,然後喺某一日派返畀佢地睇自己嘅成績,同時令家長了解仔女喺學校嘅表現。學校成績表對於學生嚟講係可以決定未來,因為升中學或者大學嗰時通常要睇返以前嘅成績表而決定收唔收呢個學生。

學校嘅成績表通常有唔同主科(語文,數學,科學,體育等等)嘅測驗同考試成績、全班名次、操行分、缺席日數、遲到日數、學生名、班別、學號、學校名、評語等等。而唔合格嘅科目(通常係低過60分)就會喺個分嘅右上角打粒星。有啲人就認為成績表唔應該排名次,因為噉樣會傷害某啲學生嘅信心同埋令佢地變得讀書只係為咗爭名次,冇咗當初讀書嘅初心[1]

[編輯]
  1. 校為什麼不可以排名?老師,您怎麼回答?(宣導文). 原著喺2020年1月8號歸檔. 喺2019年12月25號搵到.