《我猜我猜我猜猜猜》，簡稱《我猜》，係中國電視公司製播嘅週六晚間綜藝節目，由王偉忠、詹仁雄、葉心如製作，1996年7月4日開播，2011年3月4日播咗最後一集。節目初期嘅收視率除咗第一集以外，並唔理想；自吳宗憲加入主持之後，先逐漸受到年輕觀眾歡迎。2008年10月喺第43屆金鐘獎獲得電視金鐘獎娛樂綜藝節目主持人獎（吳宗憲、柳翰雅）。
