戰國時期魏國君主一覽

魏係一個喺戰國時期嗰陣嘅國，戰國七雄之一，曾一度稱霸中原。魏總共有八位君主，下面個表就將佢哋嘅謚號、名、在位年數同在位年份列嗮出嚟。

初期同強盛時期

魏國建國嗰陣，中國由春秋轉做戰國。魏國開國君主魏斯精圖勵治，令魏國國勢逐步轉盛。經過魏斯同魏擊嘅努力之後，魏國已經成為中原強國。魏武侯魏擊死後，佢個仔魏罃繼位。魏侯罃以強盛嘅國勢去稱王，即魏惠王。魏惠王統治時期係魏國嘅盛世。

魏惠王後期，魏國國勢開始衰落。之後喺魏襄王、魏昭王時期魏國國勢冇乜大變化。到咗魏王假時期，秦王政嬴政攻破魏國首都大梁，魏國滅亡。