手錶

  「錶」跳轉到呢度。想搵無錶帶隨身袋嘅錶，請睇「陀錶」。

手錶

手錶，原本寫手表，係帶嚮手腕上面嘅計時器，所以又叫做腕錶。送禮送手表係表示要守時、珍惜時間。

種類

機械手錶

自200年前，手錶工業一直係機械工業結晶。無需能源、電池、同耐用為賣點，今日機械腕錶好多都成為手錶上藝術主流，上流社會同成年人經典身份象徵，而且優質用料同人手製造都係高檔腕錶特點。比較經典嘅機械手錶生產商有：勞力士、卡地亞、精工...等；而走季節同時裝路線有：香奈兒、路易威登...等。

手動機械錶

錶內機械組件要定時上鍊，以保持運作。

自動機械錶

手動機械錶改良成果，錶裏面加入擺陀，配戴者手腕活動令擺陀旋轉，達至自動上鍊效果。

電子手錶

智能手錶擁有多種功能

1955年，瑞士研製成功第一隻擺游絲式電子手錶。現今，電子手錶能夠內置更多功能，例子：鬧鐘、萬年曆、計數機、秒錶，甚至結合智能電話功能變成智能手錶。比較出名嘅電子手錶生產商有：Casio、蘋果公司、三星電子等。

睇埋

• 智能手錶