《拾遺記》，又叫《拾遺錄》、《王子年拾遺記》，係中國古籍，由晉隴西安陽人王嘉寫嘅，一共有十卷，二百二十篇，都係殘缺不全。前九卷記載從上古庖犧氏、神農氏至東晉各代嘅歷史奇聞，至於古史部分就好多係啲奇形怪異嘅神話。漢魏以下有唔少都係謠言傳聞，正史都唔記錄嘅。收尾一卷就寫咗昆侖等八座仙山。
