拿破崙定理

拿破崙三角形（綠色）

拿破崙定理係法國軍事家拿破崙意外發現嘅，同三角形有關嘅數學定理。內容係話任意畫一個三角形，再利用呢個三角形嘅每條邊全部向外或者全部向內畫出等邊三角形，搵到呢三個三角形嘅中心，將佢哋用線連埋一齊，會有一個新嘅三角形；呢個三角形會係一個等邊三角形。呢個等邊三角形就叫做拿破崙三角形。