指令集架構

指令集架構（instruction set architecture，ISA）係反映一部電腦內部實際做開啲嗰啲運算（指令）嘅抽象模型。一部廿一世紀初嘅電腦嘅指令集架構會包含「將兩個數加埋」、「將兩個數相減」或者更加複雜啲嘅基本指令，而部電腦通常會淨係將呢啲嘢抽象化之後嘅樣顯示俾用家睇。

指令集架構係介於計算機軟件同硬件嘅中間層之一；具體描述點樣使啲硬件（元件、邏輯門）來實現指令集架構嘅模型，係微架構。

分類

指令集架構可以分成以下幾種：

• 複雜指令集（CISC）
• 簡單指令集（RISC）
• 超長指令字（VLIW）
• 顯式並行指令計算（EPIC）

常見嘅係複雜指令集、簡單指令集兩種。前者有更加多嘅啲包裝好嘅複雜指令、可以實現好多高級功能，但對處理器嘅設計、工藝同埋元件用量都有好高嘅要求；後者可以運行喺簡單啲嘅處理器上，但啲高級功能就需要好幾迾命令來實現，所以面臨更加多嘅程序開銷。

用複雜指令集用得比較多嘅有X86同X86-64架構處理器。簡單指令集比較出名嘅係用喺ARM架構處理器。