拜山

拜山

拜山係廣東人對掃墓嘅稱呼，係東亞嘅傳統習俗，到先人墓前打掃環境、拜祭同敬禮，係一種紀念先人嘅活動，將先人嘅墳墓或骨灰龕進行清潔、維護、除草同清理附近環境之後進行祭祖活動，用意係慎終追遠、思念祖先，同時亦能夠聯絡族人，有子孫團聚嘅意味。每個地方都有唔同嘅風俗習慣，廣東人通常喺清明節去拜山，而家亦有唔少人重陽節都會去拜山。

俗語

廣東話俗語「有嘢留返拜山先講」，形容好唔想聽某個人講嘢。傳說話拜山時講嘅嘢係百無禁忌，乜都可以講，所以有「有嘢留返拜山先講」嘅講法，但實際意思係唔想聽你講，你要講就喺拜山嗰陣自己講到夠。

香港嘅監獄術語，俗稱探監做拜山。