重陽

出自維基百科,自由嘅百科全書
跳去: 定向搵嘢

重陽,又名重九,係唐人節日,喺夏曆九月初九。九月初九,有兩個字,所以叫重九。漢中業以後嘅儒家陰陽觀,認為有六陰九陽。九係陽數,所以重九,又叫做重陽。民間嚮當日有登高嘅風俗,所以呢個節日又叫登高節。除此之外,仲有茱萸節菊花節之類嘅名。

由來[編輯]

關於重陽節嘅由來有好多講法:

  • 南朝梁人吳均之《續齊諧記》載:傳說東漢時,汝南縣有一個叫桓景嘅人,佢所住嘅地方突然發生大瘟疫,桓景嘅父母亦因此病死,所以佢到東南山拜師學藝,仙人費長房畀桓景一把降妖青龍劍。桓景早起晚睡,披星戴月,勤學苦練。一日,費長房講:「九月九日,瘟魔又要來,你可以回去除害。」並且畀咗佢茱萸葉子一包,菊花酒一瓶,畀佢家鄉父老登高避禍。於是佢就離開返到家鄉,九月九嗰日,佢帶住老婆仔女、鄉親父老登上咗附近嘅一座山。將茱萸葉分畀大家隨身帶住,瘟魔就唔敢埋身。又將菊花酒倒出來,每人飲咗一口,避免染瘟疫。佢同瘟魔搏鬥,最後殺死咗瘟魔。汝河兩岸嘅百姓,就將九月九登高避禍、桓景劍刺瘟魔故事一直流傳到今日。從嗰時開始,啲人就過起重陽節來,有咗重九登高嘅風俗。唐代嘅《初學記》同宋代嘅《太平禦覽》等多種重要類書都轉述咗吳均《續齊諧記》裏嘅呢個故事,並認為九月九日登高飲菊花酒,婦女喺胳膊上系茱萸囊辟邪去災嘅習俗由此而來。
  • 漢劉歆《西京雜記》記載:漢高祖劉邦嘅愛妾戚夫人被呂后害死後,戚夫人嘅侍女賈佩蘭亦被驅逐出宮,嫁畀扶風人段儒,閒談時曾提到佢喺宮廷時,每年九月九日佩茱萸,食蓬餌,飲菊花酒,以辟邪延壽。
  • 唐代詩人沈佺期《九日臨渭亭侍宴應制得長字》詩:「魏文頌菊蕊,漢武賜萸囊……,年年重九慶,日月奉天長」。
  • 《舊唐書·王勃傳》記載:王勃嘅《滕王閣序》就係喺重陽節呢一日寫出來嘅。當時王勃嘅老竇擔任交趾令,王勃前往探視老竇,九月九日路過南昌時,洪州州牧閻伯嶼正喺重修嘅滕王閣中宴請賓客同部屬,佢想誇耀女婿吳子章(孟學士)嘅才氣,就事先攞出紙筆請賓客動筆作序,所有嘅賓客都知道佢嘅用意,無人敢做。點知王勃事先並唔知道州牧嘅用心,於是毫不謙讓接過紙筆。州牧原本心入面好激氣,立即派人喺旁邊睇王勃書寫,點知王勃才氣不凡,積埋好耐嘅心情完全發洩出來,文章越寫越好,當寫到「落霞與孤鶩齊飛,秋水共長天一色」嘅詞句時,忍唔住拍案叫絕!王勃從此一舉名震詩壇。

風俗[編輯]

中國[編輯]

嚮重陽節登高係廣州人嘅傳統習俗(圖為重陽節前一晚嘅白雲山正門)

韓國[編輯]

  • 食花煎、花菜
  • 玩花煎遊戲