撇脂定價法

撇脂定價法係指喺產品生命周期嘅初期，將產品價格定得好高，以賺到最大嘅利潤，就好似喺牛奶入面撇去奶油。喺以下情況下，公司可以採用撇脂定價：市場有足夠嘅買家，佢哋嘅需求缺乏彈性，就算價錢定到好高，市場需求都唔會大量減少。

最常見嘅案例係科技產品，科技產品喺最具獨創性嘅上市初期，暫時無競爭對手推出同樣嘅產品，自己嘅產品就會有明顯嘅差別化優勢，所以用高價出售，都仲有好多人願意買。