撳快錢

撳快錢（原先叫撳錢）係now寬頻電視101台嘅互動遊戲節目，有馬啟仁、農夫、黃婉曼同其他人做主持（通常每集四位）。呢個遊戲最大特色係觀眾可以響電視機前即時參與，只要答啱晒八條問題，就可以瓜分最少十萬蚊港紙累積獎金。《撳錢》由2011年2月9日起，逢星期二至日夜晚10點35分至11點35分播映。由2011年8月22日起，改由逢星期日至四同樣時間播映。2011年12月29日後暫停播映。2012年1月30日起恢復播映，並改名為《撳快錢》，播映時間係逢星期一至三夜晚10點30分至11點。每集有兩位主持，一共問六條問題。