收數 (行業)
 |
收數／追債乃落力驅使債仔還債之行為——種類繁多，有啲合法，有啲犯法。
類
[編輯]黑
[編輯]非法放數人／集團，例如大耳窿，好多時會自己處理哂全部收數程序，而由於啲交易由一開始就已經犯法，佢哋要人哋還錢時自然唔會介意高調使出嗱喳招，譬如用到喺目標屋企門口淋紅油、寫大字、塞鎖匙窿呢類恐嚇同毀壞手段。[1]呢行喺流行文化當中嘅形象，大致嚟自佢哋。[2]其實更令行外人反感嘅綁架及勒索等收數方式，都甚為常見，尤其是當債項揩到賭呢一瓣時；[3]實行起嚟不惜跨境越國，偶然重會搞出人命㖭。[4]
白
[編輯]合法嗰啲放數者，例如正規嘅銀行及財仔，遇到客人唔依時還錢，會首先自己用明顯合法而且成本低嘅技倆收數，例如寄信同打電話。[5]佢哋會依靠盤用精密科學計出嚟嘅數，決定喺乜嘢時候縱容下人哋拖數（令利息滾大……），以及幾時用焉招及畀幾多壓力催促還錢（避免對方見冇辦法清還而自行破產，索性唔還……）；[6]佢哋亦有精於談判嘅職員，會喺若干情況同部分債仔講數（尤其是當嗰筆數冇抵押或者抵押品價值過低……），務求公司得到最多利益，有時會讓步——[7]例如向處於困境嘅大財團借多啲錢，博對方捱得過危機兼將新舊債項一齊清還；[8]又例如降低對個人債仔嘅索價，務求同其他債主爭奪佢僅有嘅財富，蝕少啲算數；[9]對於特別棘手嘅個案，重會用到成本頗高嘅方法，例如嘗試經法庭，強制轉移其資產到自己手上，或者外判啲任務畀收數公司。[10]
灰
[編輯]收數公司嘅盈利方式，係接受放數人委託，追債仔還錢；[11]成功就收走總數之中嘅一大忽作為報酬。[12]佢哋專做啲遊走於法律之邊緣或灰色地帶嘅嘢，為唔識得該類專業技術嘅人解難，以及替唔想整污糟自己對手嘅合法企業代勞。[13]佢哋拿捏尺度時好小心，務求令債仔感受到威脅，而又未至於令到自己俾皇氣拉——電話搞鬼、郵件滋擾及真人恐嚇等都好常用；[14]盡量唔玩人身暴力或財物毀壞。[15]雖然佢哋當中的確有部分會派人專做犯法嘢，但係一般都同時戴好頭盔，逃避罪責。[16]
詞
[編輯]追數既可以解「追債」，亦可以指上司迫下屬開工時整夠某個生意額。[17]有同樣意思嘅攞債較為老套，家陣往往興用作比喻，例如講因果報應。[18]
攷
[編輯]- ↑ 〈收數佬滋擾去年逾萬宗 殃及無辜市民 議員要求規管〉。《Apple Daily 蘋果日報》 (香港中文)。原先內容歸檔喺2021-06-21。喺2020-10-10搵到。
- ↑ 凌逸德 (2021-06-25)。〈非法收債案激增5成 警打擊財務、收數公司 拘15男女涉27宗案〉。《香港01》 (香港中文)。喺2022-10-03搵到。
- ↑ 頭條PopNews。〈打鼓嶺綁架撕票案｜綁匪供出藏屍點 消息指商人欠300萬波債疑惹禍〉。《頭條PopNews》 (香港中文)。喺2022-10-03搵到。
- ↑ 〈賭波男疑欠360萬賭債 追債竟成追命〉。《香港文匯網》 (中文)。喺2022-10-03搵到。
- ↑ Storm.mg (2018-04-13)。〈「正派」銀行這樣將人逼上絕路：13年金融資歷轉社工 她看盡卡債族「越還錢欠越多」時代悲歌-風傳媒〉。www.storm.mg (臺灣中文)。喺2022-10-03搵到。
- ↑ 〈【理財多面睇】不同風格的收數公司（李兆波）〉。hk.news.yahoo.com (中文)。喺2022-10-03搵到。
- ↑ 〈【年輕人理財】唔見後生仔變債仔 小心3個信用卡陷阱 - 晴報 - 健康財富 - 穩賺・消費〉。skypost.ulifestyle.com.hk (中文)。喺2022-10-03搵到。
{{cite web}}: CS1 maint: url-status (link) - ↑ 經濟日報。〈借錢比投資虧更多！子公司破產，英業達、經濟部甩鍋 銀行苦吞18億能告贏嗎？ | 產業熱點 | 產業〉。《經濟日報》 (中文)。原著喺2022-10-03歸檔。喺2022-10-03搵到。
- ↑ 中時新聞網。〈欠銀行十萬還一萬？網揭打折真相 - 日常〉。《中時新聞網》 (中文)。喺2022-10-03搵到。
- ↑ 〈警破黑幫收放債集團拘主腦等46人 首揭用「貓池」電話轟炸追數〉。《on.cc東網》 (香港中文)。2022-06-09。喺2022-10-03搵到。
- ↑ 〈【裝修爭拗】關於收數，你要知道的七件事！〉。《Now 新聞》 (香港中文)。喺2022-10-03搵到。
- ↑ 〈讨债公司调查:催回款最高收费50% 不干违法事只是吓吓人 | 每经网〉。www.nbd.com.cn。原著喺2022-10-03歸檔。喺2022-10-03搵到。
- ↑ 〈律师：委外催收法律责任不能一概而论 | 每经网〉。www.nbd.com.cn。喺2022-10-03搵到。
- ↑ 〈一家P2P平台的"讨债经"：催收团队多为女性 每人每天打100多个电话 | 每经网〉。www.nbd.com.cn。喺2022-10-03搵到。
- ↑ https://ubeat.com.cuhk.edu.hk/ubeat_past/090490/debt.pdf
- ↑ 安祖娜 (2021-02-08)。〈港男爆「收數專員」內幕：同事爆粗惡心到寒 「行動組」專收爛賬〉。《香港01》 (香港中文)。喺2022-10-03搵到。
- ↑ 〈返零售業兩日即被上司迫跑數！打工仔大呻壓力大：老細話咁樣過唔到試用期 | 熱話〉。《新Monday》 (美國英文)。2022-04-26。喺2022-10-03搵到。
- ↑ 新假期 (2022-06-07)。〈極品家姐男友「白食白住」全家都頂唔順！網民：佢今世嚟攞債！｜網絡熱話 | 熱話〉。《新假期》 (美國英文)。喺2022-10-03搵到。