文明帝國 (棋)

文明帝國係由Francis Tresham發明嘅棋，1980年喺英國發行，1981年喺美國由Avalon Hill發行。呢隻棋可以兩至七個人玩，可以玩八個鐘以上。呢個棋嘅牌子已經俾孩之寶控制，但唔再喺美國出新貨。

大概

文明帝國棋盤圍繞住海中海多個地區，每一個玩家代表一個部族不斷發展，一分為二，二分為四咁生落去，至到一定程度可以起城市並生產物資，每個部族都要爭取佢嘅發展空間，生產最多嘅物資以換取最大嘅交易成果，換取技術，去到新鐵器時代要求而趨向勝利。

呢個棋部族間少不免會有戰爭，但主要目的都係發展，好少有滅族嘅情況。當部族發城市展到一定程度，就會隨機出災難，呢啲災難係混入物資牌度，甚至可以交易畀其他部族，災難嘅影響好多時比起戰爭重大，所以應付災難係好重要嘅事。

官方拓展版

文明帝國有幾個拓展版本：

• 西歐拓展：棋盤有埋高盧，英格蘭南部，伊比利同埋非洲西北部。
• 物資拓展：喺物資卡度加入貴價物資，令貴價物資更加分散
• 進階文明帝國：有齊物資拓展卡，簡化交易程序，而且容許任何部族都可以得到所有科技。增加咗卡、災難，亦例改容許第八個人玩。孩之寶同樣唔再出新貨。

進階文明帝國電腦版

Avalon Hill重未俾孩之寶收購之前，佢開發咗進階文明帝國電腦版，改咗少少例方便喺電腦交易。

枱例

• 「文明帝國拓展項目」，改咗文明帝國嘅例，造成畀 18 個部族一齊玩嘅抬例。