文美桂

文美桂（？－2022年12月9號）係香港親中派政治人物兼鄉議局人士，生前係新田鄉鄉事委員會主席、元朗區議會當然議員。

政治立場同爭議

佢喺2014年雨傘運動期間曾經拉大隊到壹傳媒大樓抗議，指《蘋果日報》等媒體煽動學生罷課，喺香港反送中運動期間又主張對示威者施予暴力對待，揚言佢在場嘅話會一個打廿件。

另外，喺元朗站襲擊事件，大量反送中示威者被黑衣人襲擊，元朗區議會之後召開大會討論事件，會議開始前，旁聽席早已滿座，場外有多名市民喺度輪候。不過文美桂就偷偷放行三名男士進入會議室，被揭發後甚至喝斥記者。

選舉經歷

喺2021年9月，佢成為香港特别行政區選舉委員會鄉議局界委員。